ກຸ່ມບໍລິສັດທາງລົດໄຟຈີນນານນິງຈຳກັດເປີດເຜີຍໃນວັນທີ 2 ເມສານີ້ວ່າ: ໝາກໄມ້ຈາກປະເທດອາຊຽນກຳລັງຜ່ານທາງຈໍລະຈອນສິນຄ້າການຄ້າສາກົນທິດໃຕ້ເຊື່ອມຈອດຈີນ-ສິງກະໂປ ເຊິ່ງເນັ່ງຈາກຈີນຜ່ານແຫຼມອິນດູຈີນໄປເຖິງສິງກະໂປນັ້ນ ເຂົ້າສູ່ເຂດພາກຕາເວັນຕົກຂອງຈີນ. ເມື່ອບໍ່ດົນມານີ້, ມີໝາກໄມ້ຈາກອາຊຽນ 12 ໂຕນໄດ້ຂົນສົ່ງໄປເຖິງນະຄອນລານໂຈ່ວ ແຂວງກ່ານຊູ້ ສປ ຈີນ.
ທ່ານເຄີ່ຊ້ຽງສີ ຫົວໜ້າພະແນກຂົນສົ່ງສິນຄ້າຂອງກຸ່ມບໍລິສັດທາງລົດໄຟຈີນນານນິງຈຳກັດໃຫ້ຮູ້ວ່າ: ຄາດວ່າ 6 ເດືອນທ້າຍປີນີ້, ດ້ານທາງລົດໄຟພິງຊຽງເຂດປົກຄອງຕົນເອງເຜົ່າຈ້ວງກວາງຊີຈະຖືກຮັບຮອງເປັນດ່ານທາງລົດໄຟຂາເຂົ້າຂາອອກໝາກໄມ້ແຫ່ງທຳອິດຂອງຈີນ. ຮອດເວລານັ້ນ, ການເຊື່ອມຈອດກັນລະຫວ່າງຜະລິດຕະພັນກະສິກຳຄຸນນະພາບດີຈາກປະເທດອາຊຽນກັບຜະລິດຕະພັນກະສິກຳເຂດອຸ່ນຂອງຈີນຈະມີຄວາມສະດວກວ່ອງໄວ,ມີຕົ້ນທຶນໜ້ອຍແລະປອດໄພກວ່າເກົ່າ.
ຕາມຂ່າວແຈ້ງວ່າ: ໄປຄຽງຄູ່ກັບການກໍ່ສ້າງທາງຈໍລະຈອນສິນຄ້າການຄ້າສາກົນທິດໃຕ້ເຊື່ອມຈອດຈີນ-ສິງກະໂປ ມີຄວາມຄືບໜ້າເທື່ອລະກ້າວ, ປະເທດອາຊຽນຈະມີສ່ວນຮ່ວມຫຼາຍກວ່າເກົ່າ ຄືນໃນປັດຈຸບັນ, ສິງກະໂປ,ກຳປູເຈຍ,ໄທ,ຫວຽດນາມ,ມຽນມາແລະອື່ນໆໄດ້ເຂົ້າຮ່ວມແລ້ວ.
 |
