ເຢຍລະມັນສະໜອງທຶນກວ່າ 71 ຕື້ກີບເພື່ອໂຄງການຄຸ້ມຄອງປ່າໄມ້ຢູ່ລາວ
2018-04-04 15:15:33 cri
ໜັງສືພິມ "ວຽງຈັນທາມສ໌" ຂອງລາວ ສະບັບວັນທີ 3 ເມສານີ້ລາຍງານວ່າ ທ່ານນາງທິບພະກອນ ຈັນທະວົງສາ ຮອງລັດຖະມົນຕີກະຊວງການເງິນລາວ ແລະ ທ່ານເຈນສ໌ ປີເຕີ ລຸດເຄນເຮີມ ເອກອັກຄະລັດຖະທູດເຢຍລະມັນປະຈຳລາວ ໄດ້ລົງນາມໃນສັນຍາຮ່ວມມື ໂດຍລັດຖະບານເຢຍລະມັນຈະສະໜອງທຶນກວ່າ 71 ຕື້ ກີບ ຫຼື 7 ລ້ານເອີໂຣ ເພື່ອໃຊ້ເຂົ້າໃນໂຄງການຄຸ້ມຄອງປ່າໄມ້ຊົນນະບົດໂຄງການໃໝ່, ຍົກລະດັບຊີວິດການເປັນຢູ່ຂອງປະຊາຊົນ ໂດຍຜ່ານການປັບປຸງລະບົບນິເວດຂອງປ່າໄມ້ຢູ່ເຂດເປົ້າໝາຍໂຄງການ. ໂຄງການດັ່ງກ່າວຈະເລີ່ມປະຕິບັດໃນປີນີ້ ແລະຄາດວ່າຈະສຳເລັດໃນປີ 2023.
