ວັນທີ 4 ເມສານີ້, ສະຖານທູດຈີນປະຈຳປາກິສະຖານໄດ້ມອບເຄື່ອງຊ່ວຍເຫຼືອງວດໜຶ່ງໃຫ້ແກ່ກອງທັບບົກປາກິສະຖານ ເພື່ອຊ່ວຍປັບປຸງເງື່ອນໄຂດ້ານວຽກງານແລະຊີວິດການເປັນຢູ່ຂອງທະຫານບົກປາກິສະຖານປະຈຳບາງເຂດທີ່ທຸກຍາກໃຫ້ດີຂຶ້ນ.
ທ່ານ ຢາວຈິ້ງ ເອກອັກຄະລັດຖະທູດຈີນປະຈຳປາກິສະຖານ, ທ່ານ ເສີນເວີນໂຢງ ທູດທະຫານຂອງຈີນ ແລະ ເຈົ້າໜ້າທີ່ຂອງກອງທັບບົກປາກິສະຖານທ່ານອື່ນໆໄດ້ເຂົ້າຮ່ວມພິທີມອບຮັບເຄື່ອງຊ່ວຍເຫຼືອ ພ້ອມທັງໄດ້ສະແດງຄວາມຂອບໃຈຕໍ່ການຊ່ວຍເຫຼືອຂອງຈີນ. ເຈົ້າໜ້າທີ່ກອງທັບບົກປາກິສະຖານກ່າວວ່າ: ມິດຕະພາບລະຫວ່າງຈີນ-ປາກິສະຖານໄດ້ຜ່ານຜ່າຄວາມຫຍຸ້ງຍາກຕ່າງໆ, ໄດ້ກາຍເປັນແບບຢ່າງຂອງການພົວພັນລະຫວ່າງສອງປະເທດ,ເຊື່ອວ່າການພົວພັນລະຫວ່າງສອງປະເທດຈະສາມາດໄດ້ຮັບການປັບປຸງຂຶ້ນຢ່າງບໍ່ຢຸດຢັ້ງ ແລະໄດ້ຮັບຜົນສຳເລັດທີ່ເປັນຫຼັກໝາຍທາງຫຼາຍກວ່າເກົ່າ.
ຂ່າວແຈ້ງວ່າ: ເຄື່ອງຊ່ວຍເຫຼືອດັ່ງກ່າວລວມທັງຈັກຜະລິດໄຟຟ້າ,ພັດລົມແລະຕູບຜ້າເຕັ້ນເປັນຕົ້ນ,ຈະໃຊ້ໃນການປັບປຸງເງື່ອນໄຂດ້ານວຽກງານແລະຊີວິດການເປັນຢູ່ຂອງທະຫານບົກປາກິສະຖານປະຈຳຢູ່ເຂດກົກເຫຼົ່າທີ່ຄຸ້ມຄອງໂດຍລັດຖະບານ.
 |
