ວັນທີ 4 ເມສານີ້, ທ່ານຕາຢິບ ເອໂດກັນ ປະທານາທິບໍດີຕວກກີ, ທ່ານວະລາດີເມຍ ປູຕິນ ແລະ ທ່ານຮາຊັນ ຣູຮານີ ປະທານາທິບໍດີອີຣານໄດ້ຈັດກອງປະຊຸມສຸດຍອດກ່ຽວກັບບັນຫາຊີຣີທີ່ນະຄອນຫຼວງອານກາລາປະເທດຕວກກີ ແລະ ໄດ້ມີຄວາມເຫັນເປັນເອກະພາບກັນຫຼາຍຢ່າງກ່ຽວກັບການແກ້ໄຂບັນຫາຊີຣີທາງການເມືອງ.
3 ປະເທດໄດ້ອອກຖະແຫຼງການຮ່ວມໂດຍຂຽນວ່າ, ການແກ້ໄຂບັນຫາຊີຣີທາງການເມືອງເປັນຊ່ອງທາງບັງເກີດຜົນພຽງໜຶ່ງດຽວ, ວິທີໃຊ້ກຳລັງອາວຸດໃດໆໆລ້ວນແຕ່ຈະບໍ່ສາມາດແກ້ໄຂວິກິດການຊີຣີໃນປັດຈຸບັນ. ຕວກກີ, ຣັດເຊຍ ແລະ ອີຣານຄັດຄ້ານການກະທຳແບ່ງແຍກຊີຣີດ້ວຍຂໍ້ອ້າງຕໍ່ຕ້ານລັດທິກໍ່ການຮ້າຍ, ຍຶດໝັ້ນປົກປົກຮັກສາອະທິປະໄຕ, ເອກະລາດ ແລະ ຜືນແຜ່ນດິນອັນຄົບຖ້ວນຂອງຊີຣີ.
 |
