ເຈົ້າໜ້າທີ່ກະຊວງການຕ່າງປະເທດອາເມລິກາກ່າວໃນວັນທີ 6 ເມສານີ້ວ່າ: 12 ປະເທດທິດຕາເວັນຕົກເຊັ່ນ:ອາເມລິກາ ແລະ ອັງກິດເປັນຕົ້ນ ແລະ 8 ປະເທດອາຟຣິກາເຊັ່ນ: ນີເຊຣີ ແລະ ກາເມີຣູນເປັນຕົ້ນຈະຈັດການຊ້ອມຮົບຮ່ວມກອງທະຫານພິເສດ "Flintlock" ຢູ່ອາຟຮິກາແຕ່ວັນທີ 9 ຫາວັນທີ 20 ເມສານີ້.
ເຈົ້າໜ້າທີ່ກະຊວງການຕ່າງປະເທດອາເມລິກາໄດ້ປະກາດແຈ້ງການສະບັບໜຶ່ງໂດຍກ່າວວ່າ: ກອງເສນາທິການໃຫຍ່ກອງທັບອາເມລິກາເປັນຜູ້ບັນຊີການຊ້ອມຮົບໃນປີນີ້, ຈະມີທະຫານຈາກ 20 ປະເທດທິດຕາເວັນຕົກແລະອາຟຣິກາເກືອບ 1.900 ຄົນເຂົ້າຮ່ວມ, ການຊ້ອມຮົບຈະຈັດຂຶ້ນຢູ່ສະຖານທີ່ຫຼາຍແຫ່ງຂອງ 3 ປະເທດຄື: ນີເຊຣີ, ບູກີນາຟາໂຊ ແລະ ເຊເນການ.
ເຈົ້າໜ້າທີ່ກະຊວງການຕ່າງປະເທດອາເມລິກາກ່າວວ່າ,ການຊ້ອມຮົບຄັ້ງນີ້ຈະຈັດການຝຶກອົບຮົມດ້ານການປະຕິບັດກົດໝາຍ ເຊິ່ງຈະລວມທັງການຝຶກຊ້ອມໃນຫຼາຍດ້ານເຊັ່ນ:ການລາດຕະເວນຢູ່ຊົນນະບົດ,ຄວາມສາມາດຮັບມືກັບວິກິດການ,ການຄຸ້ມຄອງດ້ານການບັນຊາແລະຕິດຕໍ່ພົວພັນ,ການຊັນນະສູດສະຖານທີ່ກະທຳຜິດແລະອື່ນໆ.
 |
