ໃນມໍ່ໆມານີ້, ທ່ານເຮັ່ງສະວີ ກິດທ ລັດຖະມົນຕີກະຊວງການເງິນສິງກະໂປກ່າວວ່າ: ໂລກາພິວັດຈະສ້າງຜົນປະໂຫຍດອັນຍິ່ງໃຫຍ່ໃຫ້ປະຊາຊົນບັນດາປະເທດ, ບັນດາປະເທດອາຊຽນຄວນສືບຕໍ່ຊຸກຍູ້ເສດຖະກິດໃຫ້ເປັນເອກະພົບດຽວ ແລະສືບຕໍ່ສະໜັບສະໜູນການຄ້າ, ການເປີດປະຕູ ແລະຂະບວນການໂລກາພິວັດ.
ວັນທີ 6 ເມສານີ້, ກອງປະຊຸມລັດຖະມົນຕີກະຊວງການເງິນ ແລະຜູ້ວ່າການທະນາຄານກາງອາຊຽນໄດ້ສິ້ນສຸດລົງຢູ່ສິງກະໂປ. ທ່ານເຮັ່ງສະວີ ກິດທກ່າວຕໍ່ກອງປະຊຸມຖະແຫຼງຂ່າວວ່າ: ວິທີທີ່ຖືກຕ້ອງຂອງອາຊຽນໃນການແກ້ໄຂຜົນສະທ້ອນທາງລົບຂອງໂລກາພິວັດບໍ່ແມ່ນການປິດລ້ອມເສດຖະກິດ, ແຕ່ວ່າແມ່ນບັນລຸເສດຖະກິດເປັນເອກະພົບດຽວໃຫ້ດີກວ່າເກົ່າ, ຊອກຫາວິທີສ້າງຜົນປະໂຫຍດຈາກການຄ້າເສລີ ແລະເປີດປະຕູ, ປັບປຸງອົງປະກອບເສດຖະກິດ, ເພີ່ມທະວີການເຊື່ອມຈອດກັນດ້ານການທະນາຄານ ແລະໃຫ້ປະຊາຊົນມີວິຊາຊີບໃໝ່.
ໃນກອງປະຊຸມດັ່ງກ່າວ, ລັດຖະມົນຕີກະຊວງການເງິນ ແລະຜູ້ວ່າການທະນາຄານກາງຈາກ 10 ປະເທດອາຊຽນໄດ້ຢ້ຳເຖິງ "ແຜນແມ່ບົດປະຊາຄົມເສດຖະກິດອາຊຽນ 2025" ແລະເປົ້າໝາຍຍຸດທະສາດ.
 |
