ວັນທີ 9 ເມສານີ້, ຫ້ອງການງົບປະມານລັດຖະສະພາອາເມລິກາໄດ້ເຜີຍແຜ່ບົດລາຍງານສະບັບໜຶ່ງໂດຍກ່າວວ່າ: ເນື່ອງຈາກມາດຕະການຫຼຸດອັດຕາພາສີແລະການເພີ່ມລາຍຈ່າຍຈາກລັດຖະບານໂດນັນ ທຣຳ, ການຂາດດຸນງົບປະມານຂອງລັດຖະບານອາເມລິກາຈະເພີ່ມຂຶ້ນຢ່າງຫຼວງຫຼາຍ,ຄາດວ່າຮອດປີ 2020 ຈະຫຼາຍກວ່າ 1.000 ຕື້ໂດລາສະຫະລັດ.
ບົດລາຍງານລະບຸວ່າ: ສາເຫດຕົ້ນຕໍທີ່ພາໃຫ້ສະພາບການເງິນຂອງອາເມລິກາຮ້າຍແຮງຂຶ້ນນັ້ນແມ່ນຍ້ອນການປະຕິບັດມາດຕະການຫຼຸດອັດຕາພາສີແລະເພີ່ມລາຍຈ່າຍຈາກລັດຖະບານ. ໃນທ້າຍປີ 2017 , ກົດໝາຍວ່າດ້ວຍການຫຼຸດອັດຕາພາສີທີ່ທ່ານ ໂດນັນ ທຣຳ ປະທານາທິບໍດີອາເມລິກາເຊັນໃນປີ 2017 ຈະສາມາດຫຼຸດພາສີເກືອບ 1.500 ຕື້ໂດລາສະຫະລັດ, ນອກຈາກນີ້, ລັດຖະບານໂດນັນ ທຣຳຍັງໄດ້ວາງແຜນຈະເພີ່ມລາຍຈ່າຍດ້ານການທະຫານແລະອື່ນໆຢ່າງຫຼວງຫຼາຍໃນ 2 ສົກປີການເງິນຕໍ່ໜ້າ.