ລັດຖະບານອາເມລິກາໄດ້ອອກ "ໃບອະນຸຍາດຈຳໜ່າຍ" ເຮືອດຳນ້ຳໃຫ້ໄຕຫວັນ. ຕໍ່ເລື່ອງນີ້, ທ່ານອູຊ່ຽນ ໂຄສົກກະຊວງປ້ອງກັນປະເທດຈີນກ່າວໃນວັນທີ 9 ເມສານີ້ຢູ່ນະຄອນຫຼວງປັກກິ່ງວ່າ: ຈີນຮຽກຮ້ອງໃຫ້ອາເມລິກາປະຕິບັດຕາມນະໂຍບາຍປະເທດຈີນດຽວ ແລະຂໍ້ກຳນົດຂອງຖະແຫຼງການຮ່ວມສາມສະບັບຈີນ-ອາເມລິກາ, ຢຸດການພົວພັນດ້ານການທະຫານກັບໄຕ້ຫວັນ ແລະຢຸດການຈຳໜ່າຍອາວຸດໃຫ້ໄຕ້ຫວັນຢ່າງເດັດຂາດ.
ທ່ານກ່າວຕື່ມວາ: ຫຼັກການຂອງຈີນເດັດດ່ຽວຄັດຄ້ານອາເມລິກາຈຳໜ່າຍອາວຸດໃຫ້ໄຕ້ຫວັນແມ່ນຈະແຈ້ງ ແລະສະເໝີຕົ້ນສະເໝີປາຍ. ເພາະວ່າໄຕ້ຫວັນເປັນພຽງສ່ວນໜຶ່ງຂອງຈີນເທົ່ານັ້ນ. ຫຼັກການປະເທດຈີນດຽວແມ່ນພື້ນຖານທາງການເມືອງຂອງສາຍພົວພັນຈີນ-ອາເມລິກາ ແລະກອງທັບຈີນກໍມີຄວາມສາມາດ ແລະຕັດສິນໃຈທັບມ້າງທຳລາຍແຜນການເຈຕະນາສ້າງຄວາມແຕກແຍກປະເທດຈີນ ແລະຈະນຳໃຊ້ມາດຕະການຢ່າງເດັດດ່າວ ເພື່ອຮັກສາຄວາມໝັ້ນຄົງ ແລະສິດອຳນາດແຫ່ງຊາດ ແລະຜືນແຜ່ນດິນອັນຄົບຖ້ວນຂອງປະເທດຕົນ.
 |
