ວັນທີ 9 ເມສານີ້, ທ່ານ ໂດນັນ ທຣຳ ປະທານາທິບໍດີອາເມລິກາກ່າວວ່າ, ຕົນຈະພົບປະກັບທ່ານ ກິມເຈິງອຸນ ຜູ້ນຳສູງສຸດສປປ ເກົາຫຼີໃນເດືອນພຶດສະພາ ຫຼື ຕົ້ນເດືອນມິຖຸນາປີນີ້.
ທ່ານ ທຣຳ ໄດ້ໃຫ້ສຳພາດຕໍ່ນັກຂ່າວຢູ່ທຳນຽບຂາວໃນມື້ດຽວກັນວ່າ, ປັດຈຸບັນ, ປະເທດຕົນໄດ້ຕິດຕໍ່ພົວພັນກັບສປປເກົາຫຼີແລ້ວ, "ແລະຈະພົບປະກັນໃນໄລຍະເດືອນພຶດສະພາ ຫຼື ຕົ້ນເດືອນມິຖຸນາປີນີ້".
ທ່ານ ທຣຳ ກ່າວຕື່ມວ່າ, ຫວັງວ່າໃນການເຈລະຈາຄັ້ງນີ້ ສອງຝ່າຍຈະສາມາດເຊັນສັນຍາກ່ຽວກັບການປອດນິວເຄລຍຢູ່ແຫຼມເກົາຫຼີ.
ເຈົ້າໜ້າທີ່ອາເມລິກາຫຼາຍຄົນເປີດເຜີຍໃນວັນທີ 8 ເມສານີ້ວ່າ, ສປປເກົາຫຼີ ໄດ້ຕິດຕໍ່ພົວພັນກັບອາເມລິກາໂດຍກົງ ແລະກ່າວວ່າ, ທ່ານ ກິມເຈິງອຸນ ຍິນດີປຶກສາຫາລືບັນຫາປອດນິວເຄລຍຂອງແຫຼມເກົາຫຼີກັບທ່ານ ທຣຳ.