ຄູແລະອາຈານຈາກສະຖາບັນການສຶກສາຊັ້ນສູງຂອງໄທທີ່ສຶກສາເຕັກນິກທາງລົດໄຟຄວາມໄວສູງຢູ່ຈີນເພີ່ມຫຼາຍຂຶ້ນ

ວັນທີ 10 ເມສານີ້, ວິທະຍາໄລເຕັກນິກວິຊາຊີບທາງລົດໄຟຫຼີວໂຈ່ວກວາງຊີໄດ້ຈັດພິທີເປີດຊຸດອົບຮົມເຕັກນິກທາງລົດໄຟໃຫ້ບຸກຄະລາກອນຝ່າຍການສຶກສາວິຊາຊີບຄົມມະນາຄົມລາງລົດໄຟຂອງໄທຊຸດທີ 6 ເຊິ່ງຄູແລະອາຈານຈາກໄທ 14 ຄົນຈະຝຶກອົບຮົມເຕັກນິກທາງລົດໄຟຢູ່ແຫ່ງນີ້ເປັນເວລາ 2 ເດືອນ.

ໃນຊຸມປີຜ່ານມາ, ລັດຖະບານໄທໄດ້ພັດທະນາການກໍ່ສ້າງຄົມມະນາຄົມລາງລົດໄຟຢ່າງແຂງແຮງ, ໂຄງການຮ່ວມມືທາງລົດໄຟຈີນ-ໄທໄລຍະທຳອິດໄດ້ເລີ່ມກໍ່ສ້າງໃນເດືອນທັນວາປີ 2017 ແລະຕ້ອງການນັກວິຊາການຢ່າງຫຼວງຫຼາຍໂດຍດ່ວນ. ເພື່ອອົບຮົມແລະສ້າງບຸກຄະລາກອນດ້ານເຕັກນິກທາງລົດໄຟຄວາມໄວສູງ, ສະຖາບັນການສຶກສາຂອງໄທໄດ້ສະແຫວງຫາການຮ່ວມມືກັບຈີນເລື້ອຍໆ ເພື່ອອົບຮົມສ້າງບຸກຄະລາກອນທາງລົດໄຟຄວາມໄວສູງຮ່ວມກັນ.