ວັນທີ 10 ເມສານີ້, ສະພາຄວາມໝັ້ນຄົງອົງການສະຫະປະຊາຊາດໄດ້ລົງຄະແນນສຽງຕໍ່ຮ່າງມະຕິຕົກລົງກ່ຽວກັບກົນໄກການກວດກາການໂຈມຕີດ້ວຍອາວຸດເຄມີຢູ່ຊີຣີ 2 ສະບັບທີ່ຣັດເຊຍຮ່າງຂຶ້ນ ແລະອາເມລິກາຮ່າງຂຶ້ນ 1 ສະບັບ, ເຊິ່ງລ້ວນແຕ່ບໍ່ສາມາດຜ່ານການຮັບຮອງໄດ້.
ທ່ານ ຫວູໄຫທ່າວ ຮອງຜູ້ຕາງໜ້າຖາວອນຂອງຈີນປະຈຳອົງການສະຫະປະຊາຊາດກ່າວວ່າ: ສະພາຄວາມໝັ້ນຄົງໄດ້ຮັບຮູ້ຢ່າງເປັນເອກະພາບໃນດ້ານການກ່າວປະນາມການໂຈມຕີດ້ວຍອາວຸດເຄມີທີ່ເກີດຂຶ້ນຢູ່ຊີຣີ,ການຮຽກຮ້ອງໃຫ້ສ້າງກົນໄກການກວດກາໃໝ່ແລະສືບສວນຄວາມຮັບຜິດຊອບ. ບັນດາຝ່າຍຂອງສະພາຄວາມໝັ້ນຄົງສະຫະປະຊາຊາດຄວນຮັກສາຄວາມສາມັກຄີກັນ,ຖືສະພາຄວາມໝັ້ນຄົງແລະອົງການເກືອດຫ້າມອາວຸດເຄມີເປັນຊ່ອງທາງຕົ້ນຕໍໃນການແກ້ໄຂບັນຫາອາວຸດເຄມີຂອງຊີຣີ ແລະ ແກ້ໄຂບັນຫາຢ່າງເໝາະສົມໂດຍຜ່ານການປະສານງານກັບຝ່າຍຕ່າງໆ.
 |
