ອາເມລິກາກໍ່ການປະທະກັນດ້ານການຄ້າເປັນການທຳລາຍຕໍ່ຜູ້ອື່ນແລະຕົນເອງ

ວັນທີ 11 ເມສານີ້, ທ່ານ ຫຼິວສຽວໝິງ ເອກອັກຄະລັດຖະທູດຈີນປະຈຳອັງກິດໄດ້ພິມບົດຄວາມລົງໜັງສືພິມແລະເວັບໄຊ The Guardian ເຊິ່ງເປັນສື່ຫຼັກຂອງອັງກິດ.

ທ່ານ ຫຼິວສຽວໝິງ ຊີ້ໃນບົດຄວາມວ່າ: ໃນຫຼາຍມື້ຜ່ານມາ, ອາເມລິກາໄດ້ປະກາດໃຊ້ມາດຕະການລັດທິປົກປ້ອງການຄ້າທີ່ຖືເອົາຈີນເປັນເປົ້າໝາຍຢ່າງຕໍ່ເນື່ອງ,ຈີນກໍ່ຈຳເປັນຕ້ອງວາງມາດຕະການຕໍ່ຕ້ານ. "ສົງຄາມການຄ້າ" ລະຫວ່າງກຸ່ມເສດຖະກິດໃຫຍ່ຈີນແລະອາເມລິກາຕົກຢູ່ໃນສະພາບທີ່ໝົ່ນໝອງ. "ສົງຄາມການຄ້າ" ບໍ່ມີຜົນດີຕໍ່ການພັດທະນາແລະບໍ່ເໝາະສົມກັບກະແສຫຼັກ,ບໍ່ວ່າຈະເປັນການປົກປັກຮັກສາຜົນປະໂຫຍດໂດຍພື້ນຖານແລະຍາວໄກລະຫວ່າາງສອງປະເທດ,ຫຼືປົກປັກຮັກສາລະບຽບການການຄ້າສາກົນ ແລະຊຸກຍູ້ເສດຖະກິດໂລກໃຫ້ໂຕເຕີບຢ່າງປອດໃສ,ການກັບຄືນສູ່ການເຈລະຈາແລະປຶກສາຫາລືຄືນໃໝ່ຈຶ່ງຈະແມ່ນຊ່ອງທາງທີ່ຖືກຕ້ອງ,ແລະຈະສາມາດແກ້ໄຂບັນຫາໄດ້.

ທ່ານ ຫຼິວສຽວໝິງ ກ່າວວ່າ: ທ່ານ ໄດ້ສັງເກດວ່າ, ໃນຫວ່າງມໍ່ໆນີ້, ໂຄສົກຄະນະກຳມາທິການສະຫະພາບເອີຣົບກ່າວວ່າ: ສະຫະພາບເອີຣົບຄັດຄ້ານມາດຕະການການຄ້າທີ່ຝ່າຝືນລະບຽບຂອງອົງການການຄ້າໂລກ,ບຸກຄົນວົງການຕ່າງໆຂອງບັນດາປະເທດເຊິ່ງລວມທັງອາເມລິການັບມື້ນັບຫຼາຍກໍ່ໄດ້ຮຽກຮ້ອງຢ່າງຮຸນແຮງເພື່ອຕໍ່ຕ້ານລັດທິປົກປ້ອງການຄ້າ. ທ່ານເຊື່ອໝັ້ນວ່າ, ຂໍພຽງແຕ່ປະຊາຄົມໂລກສາມັກຄີກັນ,ເດັດດ່ຽວປະຕິບັດຕາມລະບຽບການແລະກົດລະບຽບການຄ້າສາກົນ,ເດັດດ່ຽວຄັດຄ້ານລັດທິປົກປ້ອງການຄ້າ,ກໍ່ຈະສາມາດກຳຈັດເງົາມືດຂອງສົງຄາມດ້ານການຄ້າໄດ້ຢ່າງແນ່ນອນ.