ວັນທີ 10 ເມສານີ້, ວິສາຫະກິດຈີນ ແລະຟິລິບປິນໄດ້ເຊັນບົດບັນທຶກຊ່ວຍຈຳການການລົງທຶນທີ່ມີມູນຄ່າປະມານ 9,5 ຕື້ໂດລາສະຫະລັດໂດຍການເປັນສັກຂີພິຍານຂອງທ່ານໂຣດຣີໂກ ດູເຕີເຕ ປະທານາທິບໍດີຟິລິບປິນໃນໄລຍະເຂົ້າຮ່ວມເວທີປຶກສາຫາລືອາຊີໂປອາວ, ບົດບັນທຶກເຫຼົ່ານີ້ຈະສ້າງຕຳແໜ່ງວຽກເຮັດງານທຳປະມານ 10800 ຕຳແໜ່ງ.
ທ່ານບາບາ ຮອງລັດຖະມົນຕີກະຊວງການຄ້າ ແລະອຸດສາຫະກຳຟິລິບປິນໄດ້ເຊັນຕາງໜ້າຟິລິບປິນລົງນາມໃນບົດບັນທຶກໂດຍການລົງທຶນກວມເອົາຂົງເຂດຕ່າງໆ ເຊັ່ນ: ກະສິກຳ, ການທ່ອງທ່ຽວ, ອະສັງຫາລິມະຊັບ, ພື້ນຖານໂຄງລ່າງ, ອຸດສາຫະກຳການຜະລິດ, ພະລັງງານ ແລະອື່ນໆ. ທ່ານກ່າວວ່າ: ປະທານາທິບໍດີຟິລິບປິນຊົມເຊີຍສັນຍານີ້ ເຊິ່ງເປັນຂີດໝາຍຂອງສາຍພົວພັນຈີນ-ຟິລິບປິນທີ່ມີທ່າອ່ຽງຮຸ່ງເຮືອງເຫຼືອງເຫຼື້ອມ.
ກ່ອນຈະເດີນທາງຢ້ຽມຢາມປະເທດຈີນໃນວັນຈັນ, ທ່ານໂຣດຣີໂກ ດູເຕີເຕໄດ້ຕີລາຄາສູງ ແລະຊົມເຊີຍທ່ານສີຈິ້ນຜິງ ປະທານປະເທດຈີນເປັນຢ່າງສູງ ແລະກ່າວວ່າ ທ່ານເຄົາລົບນັບຖືຜູ້ນຳຈີນ ແລະມີຄວາມຕ້ອງການການຊ່ວຍເຫຼືອຈາກຈີນຢ່າງຫຼວງຫຼາຍ.
 |
