ວັນທີ 11 ເມສານີ້, ເວທີປຶກສາຫາລືນາຍບ້ານການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງທີ່ຈັດຂຶ້ນໂດຍເມືອງມາງຊື້ແຂວງຢູນນານ ໄດ້ເຜີຍແຜ່ "ຂໍ້ລິເລີມມາງຊື້ກ່ຽວກັບການຮ່ວມມືລະຫວ່າງບ້ານແລະສະຫະກອນແມ່ນ້ຳລ້ານຊ້າງ-ແມ່ນ້ຳຂອງ", ແລະລິເລີ່ມໃຫ້ສ້າງຕັ້ງສະຫະພັນພັດທະນາບ້ານແລະສະຫະກອນແມ່ນ້ຳລ້ານຊ້າງ-ແມ່ນ້ຳຂອງ.
ໃນໄລຍະຈັດເວທີປຶກສາຫາລື, ຜູ້ຕາງໜ້າບ້ານ, ສະຫະກອນ ແລະວິສາຫະກິດທີ່ຮ່ວມປະຊຸມ ໄດ້ເຜີຍແຜ່ "ຂໍ້ລິເລີມມາງຊື້ກ່ຽວກັບການຮ່ວມມືລະຫວ່າງບ້ານແລະສະຫະກອນແມ່ນ້ຳລ້ານຊ້າງ-ແມ່ນ້ຳຂອງ", ລິເລີ່ມໃຫ້ນຳໃຊ້ເວທີສົນທະນາຕ່າງໆ ເຊັ່ນເວທີປຶກສາຫາລືນາຍບ້ານການຮ່ວມມືແມ່ນ້ຳລ້ານຊ້າງ-ແມ່ນ້ຳຂອງເປັນຕົ້ນ, ເພີ່ມທະວີການຕິດຕໍ່ພົວພັນແລະການປະສານງານດ້ານນະໂຍບາຍ, ເພີ່ມທະວີການແລກປ່ຽນບົດຮຽນ, ການແບ່ງປັນຄວາມຮູ້ ແລະການສ້າງຄວາມສາມາດ ແລະອື່ນໆ.
ນອກນີ້, ໃນເວທີປຶກສາຫາລືດັ່ງກ່າວ, ສະມາຄົມສົ່ງເສີມການພັດທະນາບ້ານແລະສະຫະກອນຈີນ ໄດ້ລິເລີ່ມໃຫ້ສ້າງຕັ້ງສະຫະພັນພັດທະນາບ້ານແລະສະຫະກອນແມ່ນ້ຳລ້ານຊ້າງ-ແມ່ນ້ຳຂອງ ເຊິ່ງໄດ້ຮັບການຕອບຮັບຢ່າງຕັ້ງໜ້າຈາກຜູ້ຕາງໜ້າທີ່ຮ່ວມປະຊຸມ. ສະຫະພັນດັ່ງກ່າວຈະຮັບເອົາສະມາຊິກຜູ້ຕາງໜ້າບ້ານ, ສະຫະກອນແລະວິສາຫະກິດຂອງ 6 ປະເທດ, ເພື່ອຈະຊຸກຍູ້ການຮ່ວມມືລະຫວ່າງບ້ານ-ສະຫະກອນແລະລະຫວ່າງວິສາຫະກິດທີ່ພົວພັນກັບກະສິກຳໃນພາກພື້ນນັ້ນ ຈາກໂຄງຮ່າງມະໂນພາບຂະຫຍາຍໄປສູ່ການຮ່ວມມືຕົວຈິງ ແລະຊຸກຍູ້ການພັດທະນາການພົວພັນອັນແໜ້ນແຟ້ນລະຫວ່າງບ້ານແລະສະຫະກອນຂອງ 6 ປະເທດ.
 |
