ຫວ່າງມໍ່ໆມານີ້, ທ່ານນາງ ຄຣິສ໌ຕິນ ລາກາດ ຜູ້ອຳນວຍການໃຫຍ່ອົງການກອງທຶນເງິນຕາສາກົນຫຼື IMF ກ່າວຢູ່ເຂດບໍລິຫານພິເສດຮົງກົງວ່າ: ການປະຕິບັດມາດຕະການຈຳກັດການນຳເຂົ້າຈະທຳລາຍຜົນປະໂຫຍດຂອງຄົນທັງຫຼາຍ, ລັດຖະບານຂອງປະເທດຕ່າງໆຄວນປາສະຈາກລັດທິປົກປ້ອງທຸກຮູບແບບ.
ທ່ານນາງ ລາກາດໄດ້ກ່າວປາຖະກະຖາຄັ້ງນີ້ຢູ່ສະຖາບັນຄົ້ນຄວ້າຮອບໂລກອາຊີມະຫາວິທະຍາໄລຮົງກົງຕາມຄຳເຊີນຫຼັງເຂົ້າຮ່ວມກອງປະຊຸມເວທີປຶກສາຫາລືອາຊີໂປອາວ. ນາງກ່າວວ່າ: ອົງການກອງທຶນເງິນຕາສາກົນໄດ້ຍຶດຖືທ່າທີທີ່ເຫັນໄປໃນແງ່ດີຕໍ່ອະນາຄົດຂອງການເຕີບໂຕເສດຖະກິດ,ແຕ່ທ່າອ່ຽງແຫ່ງການພັດທະນານີ້ຈະຊ້າລົງ. ໃນສະພາບການແບບນີ້, ທ່ານນາງລາກາດໄດ້ສະເໜີ 3 ທາງອອກດ່ວນໃນປັດຈຸບັນ, ທຳອິດແມ່ນປາສະຈາກລັດທິປົກປ້ອງ ສອງ ເສດຖະກິດໂລກຕ້ອງປ້ອງກັນຄວາມສ່ຽງດ້ານການເງິນແລະການທະນາຄານ ແລະສາມ, ຄວນຊຸກຍູ້ການເຕີບໂຕເສດຖະກິດໄລຍະຍາວທີ່ມີລັກສະນະຍືນຍົງກວ່າເກົ່າພ້ອມທັງສາມາດນຳເອົາຜົນປະໂຫຍດມາໃຫ້ແກ່ປະຊາຊົນຫຼາຍກວ່າເກົ່າ. ທ່ານນາງລາກາດກ່າວຕື່ມວ່າ: ນີ້ແມ່ນສິ່ງທ້າທາຍທີ່ສຳຄັນຫຼາຍ,ປະເທດຕ່າງໆຕ້ອງເພີ່ມທະວີການປະຕິຮູບເສດຖະກິດແລະການປະຕິບັດນະໂຍບາຍ ຈຶ່ງຈະສາມາດຊຸກຍູ້ສະມັດຖະພາບການຜະລິດແລະການເຕີບໂຕຂອງເສດຖະກິດທີ່ແຝງຊ້ອນ.
 |
