ວັນທີ 12 ເມສານີ້, ທ່ານ ອີຣີນາ ຊັກຮາຣະວາ ໂຄສົກກະຊວງການຕ່າງປະເທດຣັດເຊຍກ່າວວ່າ: ຜົນສະຫຼຸບຂອງອົງການເກືອດຫ້າມອາວຸດເຄມີຫຼັງ ກວດກາຕໍ່ຢາພິດໃນເຫດການອະດີດນັກສືບຣັດເຊຍຖືກພິດນັ້ນບໍ່ສາມາດເຮັດໃຫ້ຄົນເຊື່ອໄດ້ 100%.
ວັນທີ 12 ເມສານີ້, ອົງການເກືອດຫ້າມອາວຸດເຄມີໄດ້ປະກາດແຈ້ງການໂດຍກ່າວວ່າ: ອົງການຕົນໄດ້ສຳເລັດການວິໄຈຕົວຢ່າງຂອງຢາພິດໃນເຫດການຢາພິດເສັ້ນປະສາດທີ່ເກີດຂຶ້ນຢູ່ເມືອງຊາລິສບູຣີຂອງອັງກິດ ແລະຮັບຮອງຕໍ່ຜົນການວິໄຈຂອງລັດຖະບານອັງກິດ. ກ່ອນໜ້ານີ້, ລັດຖະບານອັງກິດເວົ້າຢ່າງແນ່ນອນວ່າ: ຢາພິດທີ່ນຳໃຊ້ໃນເຫດການດັ່ງກ່າວແມ່ນ Novichok ທີ່ເປັນຢາພິດເຄມີທີ່ໃຊ້ໃນທາງການທະຫານ.
ແຕ່ວ່າ, ແຈ້ງການນີ້ບໍ່ໄດ້ບອກຊື່ແລະໂຄງປະກອບຂອງຢາພິດເຄມີ,ພຽງແຕ່ກ່າວວ່າໄດ້ມີຂໍ້ມູນທີ່ກ່ຽວຂ້ອງໃນບົດລາຍງານບໍ່ເປີດເຜີຍທີ່ອົງການນີ້ສົ່ງໃຫ້ປະເທດພາຄີທັງໝົດ.
 |
