ກະຊວງການຄ້າຈີນເປີດເຜີຍຕົວເລກສະຖິຕິໃນວັນທີ 12 ເມສານີ້ສະແດງໃຫ້ເຫັນວ່າ, ແຕ່ເດືອນມັງກອນຫາເດືອນມີນາປີນີ້, ຈີນໄດ້ນຳໃຊ້ທຶນຕ່າງປະເທດ 220 ຕື້ກວ່າຢວນ, ທຽບໃສ່ໄລຍະດຽວກັນຂອງປີຜ່ານມາໄດ້ເພີ່ມຂຶ້ນ 0,5%. ການລົງທຶນຂອງປະເທດ "ໜຶ່ງແລວໜຶ່ງເສັ້ນທາງ" ຕໍ່ຈີນເພີ່ມຂຶ້ນ 76%.
ເບິ່ງຈາກຂະແໜງການຕ່າງໆທີ່ສາມາດດຶງດູດທຶນຕ່າງປະເທດໃນໄຕມາດທີໜຶ່ງແລ້ວເຫັນວ່າ, ຂະແໜງການຜະລິດທີ່ມີເຕັກນິກສູງໄດ້ຮັກສາການເຕີບໂຕສູງສົມຄວນ, ໂດຍເພີ່ມຂຶ້ນ 66% ເມື່ອທຽບໃສ່ໄລຍະດຽວກັນຂອງປີຜ່ານມາ. ໃນນັ້ນ, ການລົງທຶນຕໍ່ຂະແໜງການຜະລິດ ຢາ, ຂະແໜງການຜະລິດເຄື່ອງເອເລັກໂຕຼນິກແລະສື່ສານໂທລະຄົມ, ຂະແໜງການຜະລິດຄອມພິວເຕີແລະອຸປະກອນໃຊ້ຫ້ອງການໄດ້ເພີ່ມຂຶ້ນຢ່າງຫຼວງຫຼາຍ. ແລະເບິ່ງຈາກແຫຼ່ງທຶນແລ້ວເຫັນວ່າ, ການລົງທຶນຕໍ່ຈີນຈາກປະເທດສິງກະໂປ, ສ ເກົາຫຼີ, ຍີ່ປຸ່ນ, ອັງກິດ, ເຢຍລະມັນແລະປະເທດອື່ນໆໄດ້ເພີ່ມຂຶ້ນຢ່າງຊັດເຈນ.