ທ່ານນາງແອງເຈີລາ ເມີແຄວ ນາຍົກລັດຖະມົນຕີເຢຍລະມັນກ່າວວ່າ, ປະເທດຕົນກ່າວປະນາມການກະທຳໃດໆທີ່ໃຊ້ອາວຸດເຄມີ, ແຕ່ຈະບໍ່ເຂົ້າຮ່ວມການເຄື່ອນໄຫວການທະຫານຕໍ່ຊີຣີທີ່ປະເທດຕາເວັນຕົກອາດຈະປະຕິບັດໃນອະນາຄົດ.
ຂ່າວແຈ້ງວ່າຫວ່າງບໍ່ດົນນີ້ໄດ້ເກີດເຫດການຫຼອນໂຈມຕີດ້ວຍອາວຸດເຄມີຢູ່ເຂດກູຕາຕາເວັນອອກນະຄອນຫຼວງດາມັສປະເທດຊີຣີ. ທ່ານໂດນັນ ທຣຳ ປະທານາທິບໍດີອາເມລິກາກ່າວໃນວັນທີ 9 ເມສານີ້ວ່າ, ປະເທດຕົນມີວິທີຮັບມືຫຼາຍຢ່າງດ້ານການທະຫານ, ແລະຈະຕັດສິນໃຈຕອບໂຕ້ແນວໃດພາຍໃນເວລາ 24 ຫາ 48 ຊົ່ວໂມງ. ວັນທີ 11 ເມສານີ້, ທ່ານທຣຳໄດ້ຂົ່ມຂູ່ຈະໃຊ້ກຳລັງອາວຸດຕໍ່ຊີຣີອີກຄັ້ງໜຶ່ງ, ແລະວາງແຜນຈະໃຫ້ມີການເຄື່ອນໄຫວການທະຫານຮ່ວມກັບອັງກິດແລະຝລັ່ງ.
ກະຊວງການຕ່າງປະເທດຊີຣີໄດ້ອອກຖະແຫຼງການໃນວັນທີ 11 ເມສານີ້ໂດຍຊີ້ໃຫ້ເຫັນວ່າ, "ເຫດການໂຈມຕີດ້ວຍອາວຸດເຄມີ" ທີ່ບໍ່ມີຫຼັກຖານແຕ່ຢ່າງໃດພຽງແຕ່ເປັນຂໍ້ອ້າງທີ່ອາເມລິກາປະຕິບັດການເຄື່ອນໄຫວການທະຫານຕໍ່ຊີຣີເທົ່ານັ້ນ.
 |
