ການຍົກລະດັບຂໍ້ຂັດແຍ້ງການຄ້າອາດສົ່ງຜົນກະທົບຕໍ່ການຄ້າໂລກ

ອົງການການຄ້າໂລກໄດ້ເປີດເຜີຍບົດລາຍງານ ໃນວັນທີ 12 ເມສານີ້ວ່າ: ຄາດວ່າປີນີ້ຈັງຫວະການເຕີບໂຕຂອງມູນຄ່າການຄ້າໂລກຈະບັນລຸ 4,4%, ແຕ່ຂໍ້ຂັດແຍ້ງການຄ້າລະຫວ່າງບາງກຸ່ມເສດຖະກິດອາດເພີ່ມຂຶ້ນ ເຊິ່ງຈະສ້າງຄວາມບໍ່ແນ່ນອນຕໍ່ການຄ້າໃນອະນາຄົດ. ຂະນະດຽວກັນ, ບົດລາຍງານໄດ້ຢືນຢັນບົດບາດອັນຕັ້ງໜ້າຂອງການປະຕິຮູ້ບຂອງຈີນທີ່ມີຕໍ່ການຄ້າໂລກ.

ໃນວັນດັ່ງກ່າວ, ອົງການການຄ້າໂລກໄດ້ເປີດເຜີຍບົດລາຍງານ "ການຄາດໝາຍ ແລະຕົວເລກຂໍ້ມູນການຄ້າໂລກ" ໂດຍຍົກສູງລະດັບຄາດໝາຍຈັງຫວະການເຕີບໂຕຂອງມູນຄ່າການຄ້າໂລກຈາກ 3,2% ຂຶ້ນເປັນ 4,4% ແລະຄາດວ່າໃນປີ 2019 ຈັງຫວະການເຕີບໂຕຂອງການຄ້າໂລກຈະບັນລຸເຖິງ 4%.

ນອກຈາກນີ້, ບົດລາຍງານຍັງຊີ້ໃຫ້ເຫັນວ່າ: ການປະຕິຮູບໂຄງປະກອບເສດຖະກິດຈີນມີຜົນດີຕໍ່ການຄ້າໂລກ. ອົງການການຄ້າໂລກຄາດຄະແນວ່າ: ເສດຖະກິດຈີນຕົ້ນຕໍອາໄສການລົງທຶນຫັນໄປສູ່ການອາໄສການບໍລິໂພກ ເມື່ອເບິ່ງຈາກໄລຍະຍາວແລ້ວເຫັນວ່າມີຜົນດີຕໍ່ການພັດທະນາເສດຖະກິດແບບຍືນຍົງ ແລະຈະເປັນການສະໜັບສະໜູນການເຕີບໂຕຂອງການຄ້າ.