ງານວາງສະແດງອາວຸດຍຸດໂທປະກອນມາເລເຊຍຄັ້ງທີ 16 ໄດ້ຈັດຂຶ້ນຢູ່ນະຄອນຫຼວງ ກວາລາລຳເປີ ໃນວັນທີ 16 ເມສານີ້ ໂດຍຈະດຳເນີນເປັນເວລາ 4 ວັນ.
ກົມອຸດສາຫະກຳວິທະຍາສາດ-ເຕັກນິກປ້ອງກັນປະເທດຈີນ ໄດ້ຈັດຕັ້ງ 5 ບໍລິສັດການຄ້າການທະຫານເຂົ້າຮ່ວມ ໂດຍເອີ້ນລວມວ່າ "ກິດຈະການປ້ອງກັນປະເທດຈີນ" ແລະບ່ອນວາງສະແດງມີຄວາມກວ້າງ 400 ກວ່າຕາແມັດ ແລະອາວຸດຍຸດໂທປະກອນທີ່ນຳເອົາໄປວາງສະແດງເທື່ອນີ້ໄດ້ກວມເອົາສາມເຫຼົ່າທັບ ຄື ກອບທັບບົກ, ກອງທັບເຮືອ ແລະ ກອງທັບອາກາດ ລວມທັງຜະລິດຕະພັນການທະຫານລະດັບຊັ້ນຍອດງວດໜຶ່ງ ເຊັ່ນ ລົດຕັງ VT4, ລະບົບອາວຸດ LY-80N, ກຳປັ່ນຮົບ LMS ແລະ ຣາດາ ຟາເຊັດ ອາເຣ ຫຼື PAR ເຊິ່ງສະແດງໃຫ້ເຫັນເຖິງກຳລັງການຄົ້ນຄວ້າ-ຜະລິດອຸດສາຫະກຳການທະຫານຂອງຈີນ.
ງານວາງສະແດງອາວຸດຍຸດໂທປະກອນມາເລເຊຍແມ່ນໜຶ່ງໃນ 5 ງານມະຫະກຳວາງສະແດງອາວຸດຍຸດໂທປະກອນໂລກ ແລະແຕ່ລະ 2 ປີຈັດຂຶ້ນເທື່ອໜຶ່ງ. ຂະນະທີ່ງານວາງສະແດງຄັ້ງນີ້ ນອກຈາກວາງສະແດງເຕັກນິກຂອງລະບົບສູ້ຮົບເອເລັກໂຕຣນິກປ້ອງກັນປະເທດທາງທະເລ, ທາງບົກ ແລະ ທາງອາກາດ, ແລະອາວຸດຍຸດໂທປະກອນຕ່າງໆແລ້ວ, ຍັງວາງສະແດງເຕັກນິກແລະອຸປະກອນທີ່ທັນສະໄໝໃນໂລກ ເຊັ່ນ ການປິ່ນປົວໃນສະໜາມຮົບ, ຄວາມໝັ້ນຄົງຂອງປະເທດ, ການຊ່ວຍເຫຼືອທາງມະນຸດສະທຳ, ການຊ່ວຍເຫຼືອເພື່ອຕ້ານໄພພິບັດ ແລະຂົງເຂດອື່ນໆອີກ.
