ຫວ່າງມໍ່ໆມານີ້ໃນເວລາໃຫ້ສຳພາດຕໍ່ນັກຂ່າວໂອກາດເຂົ້າຮ່ວມ "ບຸນຫົດນ້ຳອັງກໍວັດ" ຄັ້ງທີ 6 ຢູ່ຊຽມລຽບ, ທ່ານທົງຄຸນ ລັດຖະມົນຕີກະຊວງການທ່ອງທ່ຽວກຳປູເຈຍກ່າວວ່າ, ນັກທ່ອງທ່ຽວຈີນທີ່ໄປທ່ຽວປະເທດຕົນໄດ້ເພີ່ມຂຶ້ນຢ່າງຕໍ່ເນື່ອງໃນຫຼາຍປີຜ່ານມາ, ພວກຂ້າພະເຈົ້າຫວັງວ່າຈະມີນັກທຸລະກິດຈີນມາລົງທຶນຢູ່ຂະແໜງການທ່ອງທ່ຽວກຳປູເຈຍຫຼາຍກວ່າເກົ່າ, ຊ່ວຍເຫຼືອກຳປູເຈຍປັບປຸງສະພາບແວດລ້ອມການທ່ອງທ່ຽວໃຫ້ດີຂຶ້ນ, ແລະດຶງດູດນັກທ່ອງທ່ຽວຈີນໄປທ່ຽວປະເທດຕົນຫຼາຍກວ່າເກົ່າ.
ທ່ານທົງຄຸນ ກ່າວວ່າ, ແຕ່ຕົ້ນປີນີ້ມາ, ປະເທດຕົນໄດ້ຕ້ອນຮັບນັກທ່ອງທ່ຽວຕ່າງປະເທດຫຼາຍກວ່າ 1 ລ້ານເທື່ອຄົນ, ທຽບໃສ່ໄລຍະດຽວກັນຂອງປີຜ່ານມາເພີ່ມຂຶ້ນ 12%. ຈີນໃນຖານະເປັນໜຶ່ງໃນປະເທດແຫຼ່ງນັກທ່ອງທ່ຽວຂອງກຳປູເຈຍ, ມີນັກທ່ອງທ່ຽວໄປທ່ຽວປະເທດຕົນບັນລຸເຖິງ 1 ລ້ານ 2 ແສນເທື່ອຄົນໃນປີ 2017, ໄດ້ກວມນັກທ່ອງທ່ຽວຕ່າງປະເທດຫຼາຍກວ່າ 40% ທີ່ກຳປູເຈຍຕ້ອນຮັບໃນປີ 2017. ຕາມທ່າອຽງຂະຫຍາຍຕົວດ້ານການທ່ອງທ່ຽວໃນປັດຈຸບັນ, ນັກທ່ອງທ່ຽວຈີນທີ່ໄປທ່ຽວກຳປູເຈຍອາດຈະບັນລຸເຖິງ 2 ລ້ານເທື່ອຄົນໃນປີ 2019, ຮອດປີ 2020 ຈະເພີ່ມຂຶ້ນຕື່ມອີກ.
 |
