ວັນທີ 15 ເມສານີ້, ປະເທດສາທາລະນະລັດມົງເຕເນໂກຼໄດ້ຈັດການເລືອກຕັ້ງປະທານາທິບໍດີຊຸດໃໝ່ ເຊິ່ງເປັນການເລືອກຕັ້ງປະທານາທິບໍດີເທື່ອທີສາມນັບແຕ່ການປະເທດດັ່ງກ່າວເປັນເອກະລາດໃນເດືອນມິຖຸນາປີ 2006 ເປັນຕົ້ນມາ.
ການປ່ອນບັດໄດ້ເລີ່ມແຕ່ 7 ໂມງຂອງວັນທີ 15 ເມສານີ້, ເຊິ່ງມີຜູ້ສະໝັກຮັບເລືອກຕັ້ງ 7 ຄົນ ລວມທັງທ່ານມິລູ ຈຸຂາໂນວີກ ອະດີດນາຍົກລັດຖະມົນຕີ, ປະທານພັກປະຊາທິປະໄຕນັກສັງຄົມນິຍົມມົງເຕເນໂກຼໄດ້ລົງແຂ່ງຂັນເລືອກຕັ້ງ.
ການເລືອກຕັ້ງເທື່ອນີ້ມີສະຖາ 1214 ໜ່ວຍເລືອກຕັ້ງ, ມີຜູ້ສັງເກດການພາຍໃນ ແລະຕ່າງປະເທດປະມານ 2000 ຄົນຕິດຕາມການເລືອກຕັ້ງ. ຂໍ້ມູນສະຖິຕິສະແດງໃຫ້ເຫັນວ່າ: ຜູ້ມີສິດເລືອກຕັ້ງທີ່ໄດ້ລົງທະບຽນເກືອບ 64% ໄດ້ເຂົ້າຮ່ວມປ່ອນບັດ, ອັດຕາການປ່ອນບັດເທື່ອນີ້ເກືອບເທົ່າກັບການເລືອກຕັ້ງຊຸດທີ່ຜ່ານມາ. ຂໍ້ມູນສະຖິຕິໃນເບື້ອງຕົ້ນຕໍ່ບັດເລືອກຕັ້ງ 97,5% ໄດ້ສະແດງໃຫ້ເຫັນວ່າ: ທ່ານມິລູ ຈຸຂາໂນວີກໄດ້ຮັບຄະແນນສຽງ 54% ລື່ນຜູ້ສະໝັກຮັບເລືອກຕັ້ງອື່ນໆຢ່າງຫຼວງຫຼາຍ ເຊິ່ງອາດຈະເປັນປະທານາທິບໍດີຄົນໃໝ່ຂອງປະເທດມົງເຕເນໂກຼ.
 |
