ຕອນຮຸ່ງເຊົ້າວັນທີ 16 ເມສານີ້, ເຂດທະເລໃກ້ແຂວງມາລູກູເໜືອປະເທດອິນໂດເນເຊຍໄດ້ເກີດແຜ່ນດິນໄຫວລະດັບ 6,4 ລິກເຕີ. ປັດຈຸບັນນີ້, ຍັງບໍ່ທັນມີການລາຍງານວ່າມີຜູ້ເສຍຊີວິດບາດເຈັບ ແລະມີຄວາມເສຍຫາຍທາງຊັບສິນເທື່ອ.
ເວັບໄຊກົມອຸຕຸນິຍົມ, ດິນຟ້າອາກາດ ແລະຟີຊິກໜ່ວຍໂລກອິນໂດເນເຊຍໄດ້ເປີດເຜີຍວ່າ: ແຜ່ນດິນໄຫວເທື່ອນີ້ໄດ້ເກີດໃນເວລາ 2 ໂມງ 30 ນາທີຕາມເວລາຈາກາຕາ (ເວລາ 3 ໂມງ 30 ນາທີຕາມເວລາປັກກິ່ງ), ໃຈກາງແຜ່ນດິນໄຫວຄັ້ງນີ້ຕັ້ງຢູ່ເຂດທະເລຫ່າງຈາກນະຄອນເຕີຣນາດເທດສະບານແຂວງ ມາລູກູເໜືອ, ໄປທາງທິດຕາເວັນຕົກສຽງເໜືອ 85 ກິໂລແມັດ. ຈຸດສູນກາງແຜ່ນດິນໄຫວເລິກລົງໃຕ້ດິນ 10 ກິໂລແມັດ.
ອົງການຕິດຕາມວັດແທກແຜ່ນດິນໄຫວອິນໂດເນເຊຍບໍ່ໄດ້ເຕືອນໄພຊືນະມິຈາກແຜ່ນດິນໄຫວເທື່ອນີ້.
ອິນໂດເນເຊຍຕັ້ງຢູ່ແຖບແຜ່ນດິນໄຫວອ້ອມມະຫາສະໝຸດປາຊິຟິກ ແຕ່ລະປີໄດ້ເກີດແຜ່ນດິນໄຫວໃນລະດັບຕ່າງກັນຫຼາຍ 1000 ເທື່ອ.
 |
