ວັນທີ 16 ເມສານີ້, ທ່ານເຟຊານ ເມກດັດ ຮອງລັດຖະມົນຕີກະຊວງການຕ່າງປະເທດຊີຣີກ່າວວ່າ, ລັດຖະບານຊີຣີຍິນດີຮ່ວມມືກັບອົງການເກືອດຫ້າມອາວຸດເຄມີໃນການສຳຫຼວດກ່ຽວກັບ ການໂຈມຕີດ້ວຍອາວຸດເຄມີ, ແລະຈະອຳນວຍຄວາມສະດວກທີ່ຈຳເປັນທຸກຢ່າງໃຫ້ຄະນະສຳຫຼວດ.
ທ່ານເມກດັດກ່າວວ່າ, ໂດຍຕອບສະໜອງຕາມຄຳເຊີນຂອງລັດຖະບານຊີຣີ, ຄະນະສຳຫຼວດຂອງອົງການເກືອດຫ້າມອາວຸດເຄມີໄດ້ເດີນທາງໄປຮອດນະຄອນຫຼວງດາມັສໃນວັນທີ 13 ເມສານີ້, ແລະໄດ້ພົບປະກັບເຈົ້າໜ້າທີ່ລັດຖະບານຊີຣີຫຼາຍເທື່ອ, ສອງຝ່າຍໄດ້ເປິກສາຫາລືກັນກ່ຽວກັບການຮ່ວມມືສຳຫຼວດທີ່ຍຸດຕິທຳ, ປອດໃສແລະຖືກຕ້ອງ.
