ໃນໄລຍະລະດູບານໃໝ່ນີ້, ປະຊາຊົນບ້ານໜານຊ່າໂຂວ ຕາແສງຊ່າໂຂວຈີ ເມືອງວຸ້ຍ ແຂວງເຫີເປີຍ ສປ ຈີນ ກຳລັງຂ້ຽວເລັ່ງຕາກຊາດອກຄາຍຢ່າງຕັ້ງໜ້າ. ໃນຊຸມປີຜ່ານມາ, ເມືອງວຸ້ຍ ເຊິ່ງເປັນເມືອງຈຸດສຸມໃນວຽກງານພັດທະນາເພື່ອລົບລ້າງຄວາມທຸກຍາກແຫ່ງລັດ ໃນການດຳເນີນໂຄງການລົບລ້າງຄວາມທຸກຍາກຕາມເປົ້າໝາຍກຳນົດນັ້ນ ໄດ້ປຸກລະດົມໃຫ້ຊາວກະສິກອນທ້ອງຖິ່ນປູກຕົ້ນຄາຍ ແລະເກັບດອກມັນມາປຸງແຕ່ງເປັນຜະລິດຕະພັນຊະນິດຕ່າງໆ ເຊັ່ນ ຊາ ເປັນຕົ້ນ. ປັດຈຸບັນ, ເມືອງດັ່ງກ່າວໄດ້ປູກຕົ້ນຄາຍໃນເນື້ອທີ່ກວ້າງປະມານ 1.335 ເຮັກຕາ ແລະສາມາດສ້າງລາຍຮັບໃຫ້ປະຊາຊົນໄດ້ຫຼາຍຍິ່ງຂຶ້ນ "ເສດຖະກິດດອກຄາຍ" ກາຍເປັນຈຸດຮຸ່ງໃສໃໝ່ໃນທ້ອງຖິ່ນດັ່ງກ່າວໃນການຊຸກຍູ້ການລົບລ້າງຄວາມທຸກຍາກຕາມເປົ້າໝາຍທີ່ວາງໄວ້.
