ກະຊວງການຄ້າຈີນເປີດເຜີຍໃນຫວ່າງມໍ່ໆນີ້ວ່າ, ໃນໄຕມາດທີໜຶ່ງຂອງປີນີ້, ນັກທຸລະກິດຈີນເຊິ່ງບໍ່ລວມທັງຮົງກົງ ມາກາວ ໄຕ້ຫວັນໄດ້ລົງທຶນໂດຍກົງຕໍ່ວິສາຫະກິດຕ່າງປະເທດ 2023 ແຫ່ງໃນ 140 ປະເທດແລະເຂດແຄວ້ນໃນໂລກ, ເຊິ່ງໃນນີ້ບໍ່ໄດ້ລວມເຖິງຂະແໜງການການເງິນຍອດມູນຄ່າການລົງທຶນບັນລຸເຖິງ 25 ຕື້ 500 ລ້ານໂດລາສະຫະລັດ, ທຽບໃສ່ໄລຍະດຽວກັນຂອງປີຜ່ານມາເພີ່ມຂຶ້ນ 24,1%, ໄດ້ຮັກສາການເພີ່ມຂຶ້ນເປັນ 5 ເດືອນລຽນຕິດ.
ຕົວເລກສະຖິຕິສະແດງໃຫ້ເຫັນວ່າ, ໃນໄຕມາດທີໜຶ່ງ, ວິສາຫະກິດຈີນໄດ້ລົງທຶນໃໝ່ຕໍ່ 52 ປະເທດທີ່ລຽບຕາມ "ໜຶ່ງແລວໜຶ່ງເສັ້ນທາງ", ມູນຄ່າການລົງທຶນບັນລຸເຖິງ 3 ຕື້ 610 ລ້ານໂດລາ, ທຽບໃສ່ໄລຍະດຽວກັນຂອງປີຜ່ານມາເພີ່ມຂຶ້ນ 22,4%, ໄດ້ກວມຍອດມູນຄ່າການລົງທຶນ 14,2% ໃນໄລຍະດຽວກັນ.
ໃນໄຕມາດທີໜຶ່ງ, ການລົງທຶນທີ່ບໍ່ມີແຜນໄດ້ຖືກສະກັດກັ້ນຢ່າງມີປະສິດທິຜົນ. ການລົງທຶນຕໍ່ຕ່າງປະເທດຕົ້ນຕໍໄດ້ສຸມໃສ່ຂະແໜງການຮັບເໝົາແລະບໍລິການການຄ້າ, ຂະແໜງການບໍ່ແຮ່, ຂະແໜງການຜະລິດ, ຂະແໜງການສື່ສານໂທລະຄົມ, ຊ໋ອບແວ, ຂະແໜງການບໍລິການເຕັກນິກຂໍ້ມູນຂ່າວສານແລະອື່ນໆ, ສ່ວນຂະແໜງການອະສັງຫາລິມະຊັບ, ກິລາແລະບັນເທິງບໍ່ມີໂຄງການລົງທຶນໃໝ່.
 |
