ສະຖານທູດຈີນປະຈຳລາວແຈ້ງໃຫ້ຊາບວ່າ, ພິທີລົງນາມໃນ "ບົດບັນທຶກຄວາມເຂົ້າໃຈການຮ່ວມມືລະຫວ່າງສູນຊັບພະຍາກອນຢາພື້ນເມືອງຈີນສະຖາບັນວິທະຍາສາດແພດສາດຈີນ ແລະ ສະຖາບັນຄົ້ນຄວ້າຢາພື້ນເມືອງກະຊວງສາທາລະນະສຸກລາວ" ໄດ້ຈັດຂຶ້ນຢູ່ນະຄອນຫຼວງວຽງຈັນໃນວັນທີ 16 ເມສານີ້ ໂດຍທ່ານ ຮວງລູ້ຊີ ຮອງຫົວໜ້າປະຈຳສະຖາບັນແພດສາດຈີນຂອງຈີນ ແລະ ຮອງຫົວໜ້າສະຖາບັນຄົ້ນຄວ້າຢາພື້ນເມືອງກະຊວງສາທາລະນະສຸກລາວ ໄດ້ຕາງໜ້າສອງຝ່າຍລົງນາມໃນບົດບັນທຶກ.
ອີງຕາມບົດບັນທຶກດັ່ງກ່າວ, ບົນພື້ນຖານການສຳຫຼວດຊັບພະຍາກອນທີ່ໃຊ້ເປັນຢາຂອງລາວ, ສອງຝ່າຍຈະຮ່ວມກັນດຳເນີນການຄົ້ນຄວ້າການພັດທະນາແລະການນຳໃຊ້ຊັບພະຍາກອນພືດພິເສດທີ່ໃຊ້ເປັນຢາທາງເສດຖະກິດຂອງລາວ ທັງຮຽບຮຽງ "ຕຳລາພືດລາວ". ສອງຝ່າຍຍັງຈະສ້າງຕັ້ງສູນຄົ້ນຄວ້າຢາພື້ນເມືອງ, ນຳໃຊ້ເຕັກນິກທີ່ກ້າວໜ້າເພື່ອດຳເນີນການຄົ້ນຄວ້າແລະປຽບທຽບພືດທີ່ເປັນຢາຂອງຈີນແລະລາວ, ອົບຮົມຊັບພະຍາກອນມະນຸດດ້ານການຄົ້ນຄວ້າຊັບພະຍາກອນພືດທີ່ເປັນຢາຂອງລາວ, ຍົກລະດັບເຕັກນິກການພັດທະນາແລະນຳໃຊ້ຊັບພະຍາກອນພືດທີ່ເປັນຢາຂອງລາວໃຫ້ສູງຂຶ້ນຢ່າງມີປະສິດທິຜົນ.
ທ່ານ ວາງເວີນທ່ຽນ ເອກອັກຄະລັດຖະທູດ ແລະ ທ່ານ ວາງຊີຮຸ່ຍ ທີ່ປຶກສາເສດຖະກິດການຄ້າສະຖານທູດຈີນປະຈຳລາວ ແລະທ່ານອື່ນໆ ໄດ້ເຂົ້າຮ່ວມພິທີລົງນາມເຊັ່ນດຽວກັນ.
 |
