ວັນທີ 18 ເມສານີ້, ທ່ານເກີເລີນ ເພນາຣັນດາ ທີ່ປຶກສາທູດການຄ້າສະຖານທູດຟິລິບປິນປະຈຳຈີນກ່າວໃນກອງປະຊຸມສຳມະນາການຮ່ວມມືດ້ານກຳລັງການຜະລິດ ແລະການລົງທຶນຈີນ-ຟິລິບປິນຢູ່ນະຄອນຫຼວງປັກກິ່ງວ່າ: ຈີນເປັນຄູ່ຮ່ວມເສດຖະກິດຍຸດທະສາດຂອງຟິລິບປິນ.
ທ່ານປະກອບຄຳເຫັນໃນກອງປະຊຸມດັ່ງກ່າວວ່າ: ຈີນເປັນຄູ່ການຄ້າໃຫຍ່ທີ່ສຸດຂອງຟິລິບປິນ. ໃນປີ 2017, ຍອດມູນຄ່າການຄ້າຟິລິບປິນ-ຈີນບັນລຸເຖິງ 33 ຕື້ໂດລາສະຫະລັດ, ມູນຄ່າການສົ່ງອອກຂອງຟິລິບປິນຕໍ່ປະເທດຈີນເພີ່ມຂຶ້ນ 20% ທຽບໃສ່ໄລຍະດຽວກັນຂອງປີ 2016 ແລະມູນຄ່າການນຳເຂົ້າຈາກຈີນເພີ່ມຂຶ້ນ 7%.
ທ່ານກ່າວຕື່ມວ່າ: ຕາມ "ແຜນການພັດທະນາ 6 ປີແຫ່ງການຮ່ວມມືເສດຖະກິດ-ການຄ້າຟິລິບປິນ-ຈີນ" ທີ່ໄດ້ເຊັນໃນເດືອນມີນາປີ 2017, ສອງປະເທດຈະດຳເນີນການຮ່ວມມືໃນຂົງເຂດກະສິກຳ, ການປະມົງ ແລະປ່າໄມ້, ພະລັງງານ, ຂໍ້ມູນຂ່າວສານ ແລະເຕັກນິກການສື່ສານ, ພື້ນຖານໂຄງລ່າງ ແລະອື່ນໆ.
ກອງປະຊຸມດັ່ງກ່າວໄດ້ຈັດຂຶ້ນໂດຍສະຖານທູດຟິລິບປິນປະຈຳຈີນ ແລະສະມາຄົມການພັດທະນາອຸດສາຫະກຳຢູ່ຕ່າງປະເທດຂອງຈີນ.
 |
