ວັນທີ 18 ເມສານີ້, ຢູ່ນະຄອນຫຼວງປັກກິ່ງ, ທ່ານເວີຍເຟີ້ງເຮີ ທີ່ປຶກສາແຫ່ງລັດ ທັງເປັນລັດຖະມົນຕີກະຊວງປ້ອງກັນປະເທດຈີນໄດ້ພົບປະທ່ານຈາຟາ ມາມູດ ອັບບາຊີ ຫົວໜ້າເສນາທິການກອງທັບເຮືອປາກິສະຖານ.
ທ່ານເວີຍເຟີ້ງເຮີກ່າວວ່າ, ຈີນ ແລະ ປາກິສະຖານເປັນປະເທດຄູ່ຮ່ວມມືຍຸດທະສາດຄົບວົງຈອນ. ກອງທັບຈີນຍິນດີຮ່ວມກັບກອງທັບປາກິສະຖານ, ສຸມໃສ່ສ້າງປະຊາຄົມຮ່ວມຊາຕາກຳມວນມະນຸດ, ເພີ່ມທະວີການແລກປ່ຽນ ແລະ ຮ່ວມມືຕິດແທດຕົວຈິງ, ຍົກຄວາມສາມາດຮັບມືກັບຄວາມສ່ຽງ ແລະ ສິ່ງທ້າທາຍຕ່າງໆຢ່າງບໍ່ຢຸດຢັ້ງ, ສະໜອງການຄ້ຳປະກັນດ້ານຄວາມໝັ້ນຄົງທີ່ແຂງແຮງໃຫ້ແກ່ການສ້າງ "ໜຶ່ງແລວໜຶ່ງເສັ້ນທາງ" ແລະ ປະກອບສ່ວນຢ່າງຕັ້ງໜ້າ ເພື່ອປົກປັກຮັກສາສັນຕິພາບ ແລະ ສະຖຽນລະພາບຂອງພາກພື້ນ ກໍຄືຂອງໂລກ.
ທ່ານອັບບາຊີກ່າວວ່າ, ປາກິສະຖານຍິນດີພະຍາຍາມຮ່ວມກັບຈີນ, ລົງເລິກການແລກປ່ຽນ ແລະ ຮ່ວມມືໃນການໄປມາຫາສູ່ກັນລະຫວ່າງຜູ້ນຳຂັ້ນສູງ, ການຊ້ອມຮົບຕົວຈິງ ແລະ ດ້ານເຕັກນິກອຸປະກອນ ເພື່ອຊຸກຍູ້ການພົວພັນລະຫວ່ງສອງປະເທດ ແລະ ສອງກອງທັບໃຫ້ຂະຫຍາຍລົງສູ່ລວງເລິກຢ່າງບໍ່ຢຸດຢັ້ງ.
 |
