ວັນທີ 18 ເມສານີ້, ຢູ່ຕາມຖະໜົນເວີນຢີ່ຕາເວັນຕົກນະຄອນຮາງໂຈ່ວແຂວງເຈີ້ຈ່ຽງ ສປ ຈີນ, ລົດຕູ້ສີ່ຫຼ່ຽມນ້ອຍໆທີ່ມີຄວາມສູງພຽງເຄິ່ງຄີງຂອງຄົນຄັນໜຶ່ງໄດ້ແລ່ນຕາມຖະໜົນໂດຍບໍ່ຕ້ອງມີຄົນຂັບເພື່ອສົ່ງສິນຄ້າດ່ວນ. ຂ່າວແຈ້ງວ່າ, ລົດນີ້ຄົ້ນຄວ້າໂດຍຫ້ອງທົດລອງຈໍລະຈອນສິນຄ້າ ET ຂອງບໍລິສັດໄຊ້ໜຽວ ແລະກຳລັງຢູ່ໃນໄລຍະທົດລອງໃຊ້ງານຈິງເທິງຖະໜົນ. ໃນມື້ດັ່ງກ່າວ, ຕາມໄລຍະທາງທົດລອງ 10 ກິໂລແມັດ, ລົດບໍ່ມີຄົນຂັບ ສາມາດສຳເລັດການຮັບແລະສົ່ງເອກະສານພາຍໃນ. ລົດແບບນີ້ ຈະໃຊ້ໃນການສົ່ງພັດສະດຸ, ສິນຄ້າສູ່ປາຍທາງ, ຄວາມໄວສູງສຸດຂອງລົດແມ່ນ 15 ກິໂລແມັດຕໍ່ຊົ່ວໂມງ, ໄລຍະທາງເບກສາມາດຄວບຄຸມຢູ່ໃນລະຫວ່າງ 0,5-0,3 ແມັດ. ປັດຈຸບັນ, ລົດຊະນິດນີ້ ພວມວາງແຜນຜະລິດຢ່າງຫຼວງຫຼາຍໃນໄວໆນີ້ ແລະຈະຖືກນຳໃຊ້ຢ່າງຮອບດ້ານພາຍໃນປີນີ້.
1 2 3
