ພະແນກເສດຖະກິດການຄ້າສະຖານທູດຈີນປະຈຳກຳປູເຈຍແຈ້ງໃຫ້ຊາບວ່າ, "ລົດຄລິນິກເຄື່ອນທີ່" ງວດທຳອິດ 20 ຄັນທີ່ຈີນຊ່ວຍກຳປູເຈຍນັ້ນໄດ້ເດີນທາງເຖິງນະຄອນຫຼວງພະນົມເປັນໃນຕອນຄ່ຳວັນທີ 19 ເມສານີ້.
"ລົດຄລິນິກເຄື່ອນທີ່" ດັ່ງກ່າວ ໄດ້ອອກແບບຕາມຄວາມຕ້ອງການຂອງກຳປູເຈຍໂດຍສະເພາະ ເຊິ່ງໄດ້ຕິດຕັ້ງອຸປະກອນປິ່ນປົວທີ່ກ້າວໜ້າ 22 ຊະນິດທີ່ເປັນເຄື່ອງມືຂອງ 7 ພະແນກຢູ່ໃນລົດເມໃຫຍ່ທີ່ຍາວ 12 ແມັດ, ການນຳພຽງຄັນດຽວອອກປະຕິບັດງານ ກໍສາມາດດຳເນີນການກວດແລະປິ່ນປົວພະຍາດຂອງພະແນກເດັກນ້ອຍ, ພະແນກພາຍນອກທົ່ວໄປ, ພະແນກປະສູດ, ພະແນກແຂ້ວ, ພະແນກຫູ-ດັງ-ຄໍ, ເອັກສະເຣ ແລະອື່ນໆ.
ເພື່ອໃຫ້ສອດຄ່ອງກັບອາກາດຮ້ອນແລະຊຸ່ມຂອງກຳປູເຈຍ, ຢູ່ເທິງລົດຍັງໄດ້ຕິດຕັ້ງຕູບຜ້າທີ່ພັບເກັບໄດ້ ທັງມີໂຕະຕັ່ງທີ່ພັບໄດ້, ຈຶ່ງສາມາດດຳເນີນການກວດເບື້ອງຕົ້ນຢູ່ນອກລົດ ແລະປິ່ນປົວຢູ່ໃນລົດໄດ້.
"ລົດຄລິນິກເຄື່ອນທີ່" ຈະໃຫ້ກະຊວງສາທາລະນະສຸກກຳປູເຈຍແຈກຢາຍໄປນຳໃຊ້ແຂວງຕ່າງໆທົ່ວປະເທດຢ່າງເປັນເອກະພາບກັນ ເພື່ອແກ້ໄຂບັນຫາຄວາມຫຍຸ້ງຍາກດ້ານການປິ່ນປົວຂອງເຂດຫ່າງໄກສອກຫຼີກ.
 |
