ງານວາງສະແດງຕະຫຼາດຮູບເງົາຂອງງານຮູບເງົາສາກົນປັກກິ່ງຄັ້ງທີ 8 ໄດ້ຈັດຂຶ້ນຢູ່ນະຄອນຫຼວງປັກກິ່ງແຕ່ວັນທີ 18 ຫາ 20 ເມສານີ້ໂດຍສູນແປແລະພາກຮູບເງົາແລະລະຄອນໂທລະພາບດ້ວຍຫຼາຍພາສາແຫ່ງຊາດຂອງສະຖານີວິທະຍຸໂທລະພາບສູນກາງຈີນໄດ້ເຂົ້າຮ່ວມງານວາງສະແດງດັ່ງກ່າວເປັນເທື່ອທຳອິດໂດຍໄດ້ເຈາະຈົງວາງສະແດງໝາກຜົນແຫ່ງການແປແລະພາກຮູບເງົາແລະລະຄອນໂທລະພາບຈີນໃຫ້ເປັນຫຼາຍພາສາຕ່າງປະເທດພ້ອມດ້ວຍການນຳສະເໜີຜົນງານດັ່ງກ່າວຢູ່ຕ່າງປະເທດ.
ສູນແປແລະພາກຮູບເງົາແລະລະຄອນໂທລະພາບດ້ວຍຫຼາຍພາສາແຫ່ງຊາດຈີນສ້າງຕັ້ງຂຶ້ນເມື່ອເດືອນມັງກອນປີ 2014. ມາຮອດປັດຈຸບັນໄດ້ແປແລະພາກຮູບເງົາ,ລະຄອນໂທລະພາບ,ຟິມສາລະຄະດີແລະເລື່ອງກາຕູນຈີນເປັນ 23 ພາສາ ລວມທັງໝົດ 7000 ກວ່າຕອນຂອງ 300 ກວ່າເລື່ອງ ແລະໄດ້ເຊັນສັນຍາອອກອາກາດໃນຄໍລຳໂຮງລະຄອນຈີນກັບ ສື່ມວນຊົນສຳຄັນຂອງ 30 ກວ່າປະເທດໃນອາຊີ, ອາຟຣິກກາ,ເອີຣົບ, ທະວີອາເມລິກາແລະໂອຊຽນນີ.
ພະນັກງານຂອງສູນແປແລະພາກຮູບເງົາແລະລະຄອນໂທລະພາບດ້ວຍຫຼາຍພາສາແຫ່ງຊາດຈີນບອກນັກຂ່າວວ່າ: ອາຊີຕາເວັນອອກສຽງໃຕ້ເປັນຕະຫຼາດຜູ້ຊົມທີ່ນິຍົມຮູບເງົາແລະລະຄອນໂທລະພາບຈີນມາແຕ່ດົນແລ້ວ, ທັງເປັນເປົ້າໝາຍຕະຫຼາດບູລິມະສິດຂອງສູນຕົນ, ປັດຈຸບັນ, ມີສູນແປແລະພາກຮູບເງົາແລະລະຄອນໂທລະພາບແຫ່ງໜຶ່ງຢູ່ມຽນມາສະເພາະແປແລະພາກຮູບເງົາແລະລະຄອນໂທລະພາບຈີນສະໄໝປັດຈຸບັນ. ນອກນີ້,ສູນແປແລະພາກຮູບເງົາແລະລະຄອນໂທລະພາບດ້ວຍຫຼາຍພາສາແຫ່ງຊາດຈີນຍັງໄດ້ເຊັນສັນຍາອອກອາກາດກັບໂທລະພາບແຫ່ງຊາດຟີລິບປິນ, ປີນີ້ກຳລັງແປແລະພາກຜົນງານຮູບເງົາແລະລະຄອນໂທລະພາບດີເດັ່ນຈຳນວນໜຶ່ງໃຫ້ເປັນພາສາຟີລິບປິນ ຂະນະດຽວກັນ, ສູນຕົນກໍກຳລັງປຶກສາຫາລືກັບອິນໂດເນເຊຍ, ຫວຽດນາມແລະໄທໃນວຽກງານດ້ານນີ້.
 |
