ເດີນໄປສູ່ເປົ້າໝາຍທີ່ສ້າງເປັນປະເທດເຂັ້ມແຂງດ້ານອິນເຕີແນັດ

ກອງປະຊຸມວຽກງານຄວາມປອດໄພດ້ານອິນເຕີແນັດແລະການຫັນເປັນຂໍ້ມູນຂ່າວສານທົ່ວປະເທດຈີນໄດ້ໄຂຂຶ້ນຢູ່ນະຄອນຫຼວງປັກກິ່ງແຕ່
ວັນທີ 20－21 ເມສານີ້. ທ່ານສີຈິ້ນຜິງ ເລຂາທິການໃຫຍ່ສູນກາງພັກກອມມູນິດຈີນ, ປະທານປະເທດຈີນ, ປະທານຄະນະກຳມະການ
ການທະຫານສູນກາງຈີນ,ຫົວໜ້າຄະນະກຳມະການ ຄວາມປອດໄພດ້ານອິນເຕີແນັດແລະການຫັນເປັນຂຊ້ມູນຂ່າວສານຂອງສູນກາງຈີນ
ໄດ້ເຂົ້າຮ່ວມກອງປະຊຸມ ແລະກ່າວສູນ ທອນພົດທີ່ສຳຄັນ ໂດຍເນັ້ນວ່າ: ການຫັນເປັນຂໍ້ມູນຂ່າວສານຖືເປັນໂອກາດ ທີ່ຫາຍາກຂອງປະ
ຊາຊາດຈີນ ເຊິ່ງພວກເຮົາຕ້ອງກຳກັບໂອກາດປະຫວັດສາດທີ່ພັດທະນາດ້ວຍການຫັນເປັນຂໍ້ມູນຂ່າວສານຢ່າງແໜ້ນ, ເລັ່ງລັດການເຜີຍ
ແຜ່ຂໍ້ມູນຂ່າວສານທາງບວກຜ່ານທາງອິນເຕີແນັດ, ປົກປັກຮັກສາຄວາມປອດໄພດ້ານອິນເຕີແນັດ, ຊຸກຍູ້ໃຫ້ມີການບຸກທະລຸດ້ານເຕັກນິກ
ໃຈກາງໃນຂົງເຂດຂໍ້ມູນຂ່າວສານ, ເປັມເຈົ້າການຂະບວນການປັບປຸງສະພາບແວດ ລ້ອມອິນເຕີ ແນັດໃນສາກົນ, ເປັນເຈົ້າການປະດິດ
ສ້າງໃໝ່ເພື່ອຊຸກຍູ້ການສ້າງປະເທດເຂັ້ມແຂງທາງອິນເຕີແນັດ,ປະກອບສ່ວນອັນໃໝ່ເຂົ້າໃນການສຳເລັດການສ້າງເປັນສັງຄົມທີ່ອີ່ມໜາມ
ສຳລານຢ່າງຮອບດ້ານ, ຍາດເອົາໄຊຊະນະອັນຍິ່ງໃຫຍ່ຂອງສັງຄົມນິຍົມທີ່ມີສີສັນພິເສດຂອງຈີນໃນຍຸກໃໝ່, ບັນລຸຄວາມຝັນຂອງຈີນທີ່ໃຫ້
ປະຊາຊາດຈີນຟື້ນຕົວຄືນໃໝ່.

ວິຊາການຕ່າງປະເທດທີ່ໃຫ້ຄວາມສົນໃຈຕໍ່ການພັດທະນາອິນເຕີແນັດຂອງຈີນເຫັນວ່າ, ໃນການພັດທະນາອິນເຕີແນັດຂອງທົ່ວໂລກ, ຈີນທີ່ເດີນໄປສູ່ເປົ້າມາຍສ້າງເປັນປະເທດເຂັ້ມແຂງດ້ານອິນເຕີແນັດນັ້ນພວມເສີມຂະຫຍາຍບົດບາດນັບມື້ນັບສຳຄັນ.

ໃນເວລາກ່າວສູນທອນພົດ, ທ່ານສີຈິ້ນຜິງເນັ້ນໜັກວ່າ, ຖ້າບໍ່ມີຄວາມປອດໄພດ້ານອິນເຕີແນັດ, ປະເທດກໍ່ຈະບໍ່ມີຄວາມໝັ້ນຄົງ, ເສດຖະກິດສັງຄົມກໍ່ຈະບໍ່ສາມາດພັດທະນາຢ່າງໝັ້ນທ່ຽງ, ຜົນປະໂຫຍດຂອງປະຊາຊົນອັນໄພສານກໍ່ຍາກທີ່ຈະໄດ້ຮັບການຄ້ຳປະກັນ. ທ່ານໂຣເບີດ ຮັນນີກັນ ອະດີດຫົວໜ້າສຳນັກງານໂທລະຄົມແຫ່ງຊາດອັງກິດໃຫ້ສຳພາດຕໍ່ນັກຂ່າວຈີນວ່າ, ອິນເຕີແນັດບໍ່ຄວນກາຍເປັນເຂດທີ່ເປັນກາງທາງດ້ານທັດສະນະຄຸນຄ່າ, ບໍ່ຄວນແມ່ນເຂດໜຶ່ງທີ່ຕ່າງກັບໂລກຕົວຈິງແລະເຮັດໃຫ້ການເຄື່ອນໄຫວຜິດກົດໝາຍເກີດຂຶ້ນເລື້ອຍໆ, ສະນັ້ນ ບາງຂົງເຂດໃນອິນເຕີແນັດຄວນໃຫ້ລັດຖະບານເຂົ້າຮ່ວມການບໍລິຫານ.

ທ່ານໂກ່ອີ້ເຄີ ຫົວໜ້າສະຖາບັນຄົ້ນຄວ້າວິທະຍາສາດຂໍ້ມູນຂ່າວສານຂອງສະຖາບັນ ອິນເພຍເຣຍ ຂອງອັງກິດ(Imperial Collage London) ເຫັນວ່າ,ຊ່ອງຫວ່າງອິນເຕີແນັດແມ່ນຊ່ອງຫວ່າງເຄື່ອນໄຫວຮ່ວມຂອງມວນມະນຸດ, ການພັດທະນາຂອງອິນເຕີແນັດບໍ່ມີພຸມແດນແລະບໍ່ມີຂອບເຂດ. ການນຳໃຊ້, ພັດທະນາ ແລະຄຸ້ມຄອງອິນເຕີແນັດໃຫ້ດີຕ້ອງລົງເລິກການຮ່ວມມືສາກົນໃນຂົງເຂດອິນເຕີແນັດ.

ໃນເວລາກ່າວສູນທອນພົດ, ທ່ານສີຈິ້ນຜິງກ່າວເນັ້ນວ່າ, ເຕັກນິກໃຈກາງຖືເປັນສິ່ງສຳຄັນທີ່ສຸດໃນກາພນັດທະນາປະເທດ. ທ່ານວາຈິມ ເຟເລນີສ ນັກວິເຄາະບັນຫາຄວາມປອດໄພດ້ານອິນເຕີແນັດຂອງວາລະສານ ທະນາຄານ ທີ່ເປັນວາລະສານລາຍເດືອນທີ່ມີຊື່ສຽງຂອງຣັດເຊຍເຫັນວ່າ, ຈີນຕັ້ງໜ້າພັດທະນາເຕັກນິກໃຈກາງທາງອິນເຕີແນັດດ້ວຍຕົນເອງແມ່ນເປັນທິດພັດທະນາທີ່ຖືກຕ້ອງທັງນັ້ນ.