ວັນທີ 20 ເມສານີ້ ໂດຍແນໃສ່ຕິດຕຽນການການປາບປາມຢາກເສບຕິດຂອງຟິລິບປິນທີ່ລະບຸໄວ້ໃນ "ບົດລາຍງານສິດທິມະນຸດປະເທດຕ່າງໆປີ 2017" ທີ່ກະຊວງການຕ່າງປະເທດອາເມລິກາປະກາດໃນວັນທີ 20 ເມສານີ້, ທ່ານອາລຽນ ປີເດີ ກາເຢດາໂນ ລັດຖະມົນຕີການຕ່າງປະເທດຟິລິບປິນຕອບໂຕ້ວ່າ, ການເຄື່ອນໄຫວທີ່ປາບປາມຢາເສບຕິດ ແລະ ການກະທຳຜິດກົດໝາຍຕ່າງໆນັບແຕ່ທ່ານປະທານາທິບໍດີດູດັນເດຂຶ້ນຄອງອຳນາດເປັນຕົ້ນມາແມ່ນເພື່ອປົກປັກຮັກສາສິດທິມະນຸດຂອງປະຊາຊົນຟິລິບປິນທັງນັ້ນ.
ບົດລາຍງານສິດທິມະນຸດທີ່ອາເມລິກາປະກາດໄດ້ກ່າວວ່າ, ນັບແຕ່ເລິ່ມປາບປາມຢາເສບຕິດໃນປີ 2016 ເປັນຕົ້ນມາ, ລັດຖະບານຟິລິບປິນຖືກສົງໄສເຂົ້າຂ້າງຕຳຫຼວດ ແລະ ພະນັກງານຮັກສາຄວາມສະຫງົບທີ່ມີສ່ວນກ່ຽວຂ້ອງກັບເຫດການຜູ້ຄ້າຂາຍຢາເສບຕິດເສຍຖືກຂ້າ.
ທ່ານກາເຢດາໂນກ່າວວ່າ, ໃນຖານະທີ່ເປັນປະເທດທີ່ມີອະທິປະໄຕ, ຟິລິບປິນມີລັດຖະບານທີ່ຮັບຜິດຊອບໃນການແກ້ໄຂບັນຫາໃຫ້ປະຊາຊົນ. ລັດຖະບານໂຈມຕີການຕ້ອງໂທດຢ່າງແຂງແຮງ ໂດຍສະເພາະແມ່ນໂຈມຕີການຄ້າຢາເສບຕິດ, ຈຸດປະສົງກໍ່ແມ່ນປົກປັກຮັກສາສິດທິມະນຸດ, ປ້ອງກັນບໍ່ໃຫ້ຢາເສບຕິດແຜ່ລາມອອກໄປ.
ອີງຕາມຕົວເລກທີ່ຕຳຫຼວດຟິລິບປິນປະກາດໃນເດືອນມີນາຜ່ານມານີ້, ນັບແຕ່ວັນທີ 1 ກໍລະກົດປີ 2016 ຫາວັນ 20 ມີນາປີ 2018, ອົງການປາບປາມຢາເສບຕິດ ແລະ ພາກສ່ວນປະຕິບັດກົດໝາຍອື່ນໆຂອງຟິລິບປິນໄດ້ດຳເນີນການເຄື່ອນໄຫວປາມປາມຢາເສບຕິດຫຼາຍກວ່າ 9 ໝື່ນ 1 ພັນເທື່ອ, ຈັບຕ້ອງຫາ 1 ແສນ 2 ໝື່ນ 3 ພັນກວ່າຄົນ,ໃນນັ້ນລວມທັງພະນັກງານລັດຖະບານ ຫຼື ອົງການປົກຄອງ 469 ຄົນ, ຜູ່ຖືກສົງໄສ 4 ພັນ 75 ຄົນຖືກຍິງຕາຍ. ຕຳຫຼວດຟິລິບປິນໄດ້ກ່າວມາຫຼາຍເທື່ອວ່າ, ໃນການເຄື່ອນໄຫວປາບປາມຢາເສບຕິດ, ຜູ່ຍິງຕາຍເຫຼົ່ານັ້ນລ້ວນແຕ່ເຄີຍຕ້ານຢັນກັນດ້ວຍຄວາມຮຸນແຮງ.
