ວັນທີ 21 ເມສານີ້, ທ່ານນາງຄຣິສຕິນ ລາກາດ ຜູ້ອຳນວຍການໃຫຍ່ອົງການກອງທຶນເງິນຕາສາກົນ ຫຼື IMF ໄດ້ຮຽກຮ້ອງໃຫ້ແກ້ໄຂຄວາມຂັດແຍ້ງທາງການຄ້າດ້ວຍການເຈລະຈາ ແລະຜ່ານອົງການຫຼາຍຝ່າຍ.
ໃນວັນດັ່ງກ່າວ, ຄະນະກຳມະການເງິນຕາ ແລະການເງິນສາກົນ ເຊິ່ງເປັນອົງການຕັດສິນນະໂຍບາຍຂອງ IMF ໄດ້ສຳເລັດກອງປະຊຸມລະດັບລັດຖະມົນຕີຄັ້ງທີ 37 ແລະຈາກນັ້ນກໍໄດ້ອອກຖະແຫຼງຂ່າວ ໂດຍເຕືອນວ່າ: ການເງິນມີຄວາມອ່ອນແອລົງ, ສະຖານະການທາງການຄ້າ ແລະການເມືອງພູມິພາກເຄັ່ງຕຶງຍິ່ງຂຶ້ນ ພ້ອມກັນນັ້ນ, ໜີ້ສິນທົ່ວໂລກກໍພວມຢູ່ໃນລະດັບສູງທຽບກັບໄລຍະຕ່າງໆໃນປະຫວັດສາດ ທັງໝົດເຫຼົ່ານີ້, ລ້ວນແຕ່ຈະເປັນໄພຂົ່ມຂູ່ຕໍ່ການເຕີບໂຕຂອງເສດຖະກິດໂລກໃນອະນາຄົດ.
ເມື່ອນັກຂ່າວຖາມເຖິງບັນຫາຄວາມຂັດແຍ້ງທາງການຄ້າລະຫວ່າງຈີນ-ອາເມລິການັ້ນ, ທ່ານນາງລາກາດ ກ່າວວ່າ: ຫວັງວ່າຈີນແລະອາເມລິກາຈະດຳເນີນການເຈລະຈາຫຼາຍຂຶ້ນກວ່າເກົ່າ ບົນພື້ນຖານການຄ້າເສລີ ແລະເສີມຂະຫຍາຍບົດບາດຂອງຕົນໂດຍອາໄສອົງການຫຼາຍຝ່າຍທີ່ຍຶດຖືກະຕິກາການຄ້າ.
