ເພື່ອເປັນການປະກອບສ່ວນໃນການສະຫຼອງວັນສ້າງສາຍພົວພັນທາງການທູດຈີນ ແລະ ກຳປູເຈຍຄົບຮອບ 60 ປີ ກໍຄື ສັບປະດາວາງສະແດງຜະລິດຕະພັນດ້ານວັດທະນະທຳນະວັດຕະກຳຈີນ 2018, ສິລະປິນຈີນແລະກຳປູເຈຍ ໄດ້ຮ່ວມກັນຂຶ້ນເວທີສະແດງສິລະປະ ຢູ່ໂຮງລະຄອນແຫ່ງຊາດ ນະຄອນຫຼວງພະນົມເປັນໃນຕອນຄ່ຳວັນທີ 21 ເມສານີ້.
ທ່ານນາງໂຈເຫວິນຊິ່ງ ທີ່ປຶກສາທູດດ້ານການເມືອງ ສະຖານທູດຈີນປະຈຳກຳປູເຈຍ ໄດ້ກ່າວປາໄສວ່າ: ປີນີ້ແມ່ນປີທີ່ຈີນແລະກຳປູເຈຍສ້າງການພົວພັນທາງທູດຄົບຮອບ 60 ປີ ແລະການສະແດງເທື່ອນີ້ກໍເປັນສ່ວນປະກອບທີ່ສຳຄັນຂອງກິດຈະກຳຕ່າງໆເພື່ອສະຫຼອງໃນໂອກາດທີ່ສອງປະເທດສ້າງການພົວພັນທາງການທູດຄົບຮອບ 60 ປີ ແລະເສີມສ້າງໄມຕີຈິດມິດຕະພາບລະຫວ່າງສອງປະເທດ. ຈີນຍິນດີຮ່ວມກັບກຳປູເຈຍ ສືບຕໍ່ລົງເລິກການແລກປ່ຽນແລະຮ່ວມມືທີ່ແທ້ຈິງ ລະຫວ່າງສອງປະເທດ ໃນຂົງເຂດຕ່າງໆ ເຊັ່ນ ດ້ານວັດທະນະທຳ ແລະຊຸກຍູ້ສາຍພົວພັນລະຫວ່າງສອງປະເທດໃຫ້ພັດທະນາກ້າວຂຶ້ນສູ່ລະດັບໃໝ່ຢ່າງບໍ່ຢຸດຢັ້ງ.
