ທ່ານເຊ້ສຽວຢຽນ ທູດພິເສດຂອງລັດຖະບານຈີນກ່ຽວກັບບັນຫາຊີຣີ ພວມຢ້ຽມຢາມຢູ່ເອຢິບ ແລະໄດ້ໃຫ້ສຳພາດຕໍ່ສື່ມວນຊົນຈີນແລະຕ່າງປະເທດຢູ່ນະຄອນຫຼວງເລີແກ ປະເທດດັ່ງກ່າວໃນວັນທີ 22 ເມສານີ້ວ່າ: ການແກ້ໄຂບັນຫາຊີຣີໂດຍຜ່ານຊ່ອງທາງການເມືອງແມ່ນທາງເລືອກພຽງໜຶ່ງດຽວ.
ທ່ານເຊ້ສຽວຢຽນ ເນັ້ນວ່າ: ຈີນເດັດດ່ຽວຄັດຄ້ານການນຳໃຊ້ອາວຸດເຄມີ ເຊິ່ງບໍ່ວ່າປະເທດໃດ, ອົງການຈັດຕັ້ງໃດ ຫຼື ບຸກຄົນໃດໆ ແລະ ໃນສະພາບການແນວໃດກໍຕາມ ແລະຄວນດຳເນີນການກວດກາຕໍ່ເຫດການທີ່ສົງໄສວ່າມີການນຳໃຊ້ອາວຸດເຄມີໃນຊີຣີຢ່າງຮອບດ້ານ, ທ່ຽງທຳ, ພາວະວິໄສ, ໂປ່ງໃສ ແລະ ຕາມຫຼັກວິຊາການ, ປະຈານຕໍ່ໂລກດ້ວຍມູນຄວາມຈິງ ແລະຜົນການກວດກາຄວນສາມາດຜ່ານການທົດສອບທາງປະຫວັດສາດແລະຄວາມຈິງໄດ້.
ທ່ານເຊ້ສຽວຢຽນ ກ່າວຕື່ມວ່າ: ເອຢິບແມ່ນປະເທດທີ່ມີບົດບາດສຳຄັນໃນພາກພື້ນ ຈີນຍິນດີເພີ່ມທະວີການພົວພັນ ແລະ ແລກປ່ຽນປະສານງານກັບເອຢິບ ເພື່ອສ້າງຄວາມພະຍາຍາມຮ່ວມໃນການແກ້ໄຂບັນຫາຊີຣີ.
