ວັນທີ 22 ເມສານີ້, ຢູ່ຫໍຮັບແຂກເມືອງຕ້ຽວອີທາຍ, ທ່ານ ວາງຢີ້ ທີ່ປຶກສາແຫ່ງລັດທັງເປັນລັດຖະມົນຕີກະຊວງການຕ່າງປະເທດຈີນໄດ້ພົບປະກັບທ່ານ ເທັນເຊັນ ອະດີດປະທານາທິບໍດີມຽນມາ.
ທ່ານ ວາງຢີ້ ກ່າວວ່າ, ພາຍໃຕ້ການຊຸກຍູ້ຮ່ວມຈາກຜູ້ນຳຈີນແລະມຽນມາ, ການຮ່ວມມືທາງຍຸດທະສາດຮອບດ້ານລະຫວ່າງສອງປະເທດໄດ້ຮັບການພັດທະນາຢ່າງຫຼວງຫຼາຍ. ຈີນຍິນດີຮ່ວມມືກັບມຽນມາຊຸກຍູ້ການສ້າງແລວເສດຖະກິດຈີນ-ມຽນມາ,ທຳການຈັດຕັ້ງປະຕິບັດໂຄງການໃຫຍ່ທີ່ສຳຄັນໃຫ້ດີ, ເພີ່ມພະລັງແຮງໃໝ່ເຂົ້າໃນການພັດທະນາເສດຖະກິດຂອງມຽນມາ. ຈີນຮູ້ສຶກປິຕິຊົມຊື່ນທີ່ໄດ້ເຫັນຂະບວນການສັນຕິພາບແລະປອງດອງຊາດພາຍໃນປະເທດມຽນມາໄດ້ຮັບຄວາມຄືບໜ້າຢ່າງບໍ່ຢຸດຢັ້ງ, ຍິນດີສືບຕໍ່ເສີມຂະຫຍາຍບົດບາດທີ່ມີລັກສະນະສ້າງສັນໃນການຊຸກຍູ້ການເຈລະຈາໂດຍສັນຕິຕາມຄວາມມຸ່ງມາດປາຖະໜາຂອງມຽນມາ.
ທ່ານ ເທັນເຊັນ ກ່າວດ້ວຍຄວາມຂອບໃຈຢ່າງຈິງໃຈຕໍ່ຈີນທີ່ໄດ້ໃຫ້ການຊ່ວຍເຫຼືອແກ່ມຽນມາໃນການຊຸກຍູ້ຂະບວນການສັນຕິພາບພາຍໃນປະເທດແລະຊຸກຍູ້ການພັດທະນາເສດຖະກິດສັງຄົມໃນໄລຍະຍາວນານຜ່ານມາ ແລະຄອງຄອຍການຮ່ວມມືທາງຍຸດທະສາດຮອບດ້ານລະຫວ່າງມຽນມາ-ຈີນທີ່ຈະນັບມື້ຍົກລະດັບສູງຂຶ້ນກວ່າເກົ່າ.
 |
