ວັນທີ 21 ເມສານີ້, ທ່ານ ເລົາເຣັນສ໌ ອຶງ ລັດຖະມົນຕີກະຊວງພັດທະນາປະເທດສິງກະໂປກ່າວວ່າ: ສວນພືດສິງກະໂປຈະສ້າງຄັງສຳລັບແກ່ນພືດແຫ່ງໜຶ່ງໃຫ້ສຳເລັດໃນປີ 2019 ເພື່ອຮັກສາແນວພັນພືດຊະນິດຕ່າງໆໄວ້ໃຫ້ດີກວ່າເກົ່າ.
ທ່ານ ເລົາເຣັນສ໌ອຶງ ກ່າວວ່າ, ຫຼັງຈາກສ້າງຄັງເກັບຮັກສາແກ່ນພືດແຫ່ງນີ້ສຳເລັດຈະສາມາດບັນຈຸແກ່ນພືດໄວ້ໄດ້ 25.000 ຊະນິດ ເຊິ່ງກວມເຄິ່ງໜຶ່ງຂອງຈຳນວນປະເພດພືດທັງໝົດຂອງອາຊີຕາເວັນອອກສຽງໃຕ້. "ຄັງແກ່ນພືດຈະສະໜອງແກ່ນແນວພັນໃຫ້ແກ່ການຄົ້ນຄວ້າແລະໂຄງການປູກຟື້ນຟູພືດຫາຍາກຄືນໃໝ່ ເຊິ່ງນີ້ເປັນໂຄງການທີ່ຈະຮັບປະກັນຕໍ່ຄວາມຍືນຍົງຂອງພືດນານາພັນ."
 |
