ພິທີປິດໂຄງການຊ່ວຍເຫຼືອປາກີສະຖານຂອງມູນທິທິການຊ່ວຍເຫຼືອການຮ່ວມມືໃຕ້ໆຈີນໄດ້ຈັດຂຶ້ນຢູ່ນະຄອນຫຼວງອິສລາມາບັດປະເທດປາກີສະຖານໃນວັນທີ 23 ເມສານີ້ ເຊິ່ງເປັນຂີດໝາຍສະແດງໃຫ້ເຫັນວ່າ ໂຄງການຊ່ວຍເຫຼືອປາກີສະຖານພາຍໃຕ້ຂອບມູນນິທິດັ່ງກ່າວໄດ້ປະສົບຜົນສຳເລັດຢ່າງຈົບງາມ.
ທ່ານອັກຄະລັດຖະທູດ ຈ້າວລີ້ຈ່ຽນ ທີ່ປຶກສາຂອງສະຖານທູດຈີນປະຈຳປາກີສະຖານປະກອບຄຳເຫັນໃນພິທີດັ່ງກ່າວວ່າ: ໂຄງການຊ່ວຍເຫຼືອປາກີສະຖານພາຍໃຕ້ຂອບມູນນິທິການຊ່ວຍເຫຼືອການຮ່ວມມືໃຕ້ໆຈີນໄດ້ປະສົບຜົນສຳເລັດທີ່ດີຫຼັງປະຕິບັດມາເປັນເວລາ 4 ເດືອນ ເຊິ່ງໄດ້ຊ່ວຍຈັດສັນຊີວິດການເປັນຢູ່ໃຫ້ປະຊາຊົນຜູ້ບໍ່ມີບ່ອນເພິ່ງພາອາໄສໃນເຂດພື້ນທີ່ຂອງກົກເຫຼົ່າຕ່າງໆຂອງປາກີສະຖານປະມານ 8100 ຄອບຄົວຫຼັງກັບຄືນສູ່ບ້ານເມືອງ ທັງສະໜອງອຸປະກອນການຮຽນການສອນໃຫ້ ໂຮງຮຽນ 423 ແຫ່ງຂອງແຂວງບາໂລສ ເຊິ່ງໄດ້ມອບປະໂຫຍດໃຫ້ແກ່ປະຊາຊົນປາກີສະຖານເກືອບ 2 ແສນ 4 ໝື່ນຄົນ. ທ່ານຈ້າວລີ້ຈ່ຽນ ຢືນຢັນວ່າ ໃນຕໍ່ໜ້າ, ລັດຖະບານຈີນຈະສືບຕໍ່ປະຕິບັດໂຄງການເພື່ອຊ່ວຍເຫຼືອປັບປຸງຊີວິດການເປັນຢູ່ຂອງປະຊາຊົນປາກີສະຖານໃຫ້ຫຼາຍກວ່າເກົ່າ, ປັບປຸງມິດຕະພາບທີ່ເປັນມູນເຊື້ອລະຫວ່າງຈີນ-ປາກີສະຖານໃຫ້ແໜ້ນແຟ້ນຍິ່ງຂຶ້ນ.
 |
