ຜ່ານມາ, ເຄື່ອງຫັດຖະກຳທອງຂອງເມືອງລີ້ຈ່ຽງ ແຂວງຢູນນານເປັນສິນຄ້າສົ່ງອອກຂາຍ ຕ່າງແຂວງເປັນຈຳນວນຫຼວງຫຼາຍຜ່ານເສັ້ນທາງຊາມ້າບູຮານ ທັງເປັນຊັບສິນທີ່ພໍ່ແມ່ນິຍົມມອບໃຫ້ລູກສາວຍາມລົງເຮືອນສຳລັບເຜົ່ານ້າຊີ່. ເວົ້າສຳລັບຄອບຄົວຊາວເຜົ່ານ້າຊີ່ແລ້ວ, ເຂົາເຈົ້າ ຖືວ່າມີກຽດສະຫງ່າຢ່າງຍິ່ງຫາກຄອບຄົວຕົນມີເຄື່ອງຫັດຖະກຳທອງໄວ້ຢູ່ໃນຄອບຄອງ. ແຕ່ມາເຖິງປັດຈຸບັນ, ຢູ່ເມືອງລີ້ຈ່ຽງເຫຼືອແຕ່ຄອບຄົວທ່ານເຫີຊ້ານຈຸ່ນເທົ່ານັ້ນຍັງເຮັດຫັດຖະກຳທອງຢູ່ເພື່ອສືບທອດສີມືທີ່ເປັນມູນເຊື້ອຂອງເຜົ່ານ້າຊີ່. ຫຼັງຈົບມັດທະຍົມຕອນຕົ້ນແລ້ວ, ທ່ານເຫີຊ້ານຈຸ່ນກໍຮຽນສີມືຜະລິດເຄື່ອງຫັດຖະກຳທອງນຳພໍ່ທີ່ສືບທອດມາຈາກປູ່ຍ່າຕາຍາຍແລະດຳເນີນການມາຈົນຮອດປັດຈຸບັນເປັນເວລາ 32 ປີມາແລ້ວ.
