ທ່ານມາວຣິສ ອົບສເທິໂຟດ ຫົວໜ້ານັກເສດຖະສາດຂອງ IMF ໄດ້ພິມບົດຄວາມລົງ "ໜັງສືພິມຟີນານໂຊແທັສ" ອັງກິດສະບັບວັນທີ 23 ເມສານີ້ໂດຍໄດ້ຕຳໜິຕິຕຽນຄວາມຮູຜິດຂອງອາເມລິກາຕໍ່ການຫຼຸດການຂາດດຸນການຄ້າໃຫ້ໜ້ອຍລົງ ແລະຊີ້ໃຫ້ເຫັນວ່າ ການຫຼຸດການຂາດດຸນການຄ້າໃຫ້ໜ້ອຍລົງບໍ່ໝາຍຄວາມວ່າການເພີ່ມສະຫວັດດີການການຄ້າ, ຂະນະດຽວກັນ ການຫຼຸດການຂາດດຸນການຄ້າຕໍ່ບາງປະເທດບໍ່ສາມາດປ່ຽນແປງສະພາບການລາຍຮັບລາຍຈ່າຍລວມດ້ານການຄ້າຂອງອາເມລິກາ.
ເຖິງແມ່ນວ່າອາເມລິກາຢາກຫຼຸດການຂາດດຸນການຄ້າຕໍ່ປະເທດຄູ່ຮ່ວມການຄ້າ ຄື: ແມັກຊິກ, ສ ເກົາຫຼີ, ຈີນ ແລະອື່ນໆໂດຍຜ່ານການເຈລະຈາກໍຕາມ, ແຕ່ການກະທຳແບບນີ້ບໍ່ສາມາດປັບປຸງສະພາບການລາຍຮັບລາຍຈ່າຍດ້ານການຄ້າລວມຂອງອາເມລິກາ. ຂະນະດຽວກັນ, ຄຽງຄູ່ກັບອາເມລິກາຫຼຸດສ່ວຍສາອາກອນໃຫ້ໜ້ອຍລົງ ແລະເພີ່ມທະວີການລາຍຈ່າຍຂອງລັດຖະບານ, ການຫຼຸດການຂາດດຸນການຄ້າຕໍ່ປະເທດອື່ນໆຈະມີຄວາມຫຍຸ້ງຍາກຫຼາຍຍິ່ງຂຶ້ນ.
