ທ່ານອາເລັກຊັນເດີ ກຣີໂກເຢວິກ ລູກາເຊັນໂກ ປະທານາທິບໍດີເບລາຣູຊີ ກ່າວໃນວັນທີ 24 ເມສານີ້ວ່າ: ຂໍ້ລິເລີ່ມ "ໜຶ່ງແລວໜຶ່ງເສັ້ນທາງ" ເປັນຮູບແບບປະສານງານກັນໃໝ່ລະຫວ່າງບັນດາປະເທດ ແລະ ປະເທດຕົນຫວັງຈະລົງເລິກການຮ່ວມມືກັບຈີນ.
ທັງນີ້ ທ່ານລູກາເຊັນໂກ ໄດ້ຖະແຫຼງບົດລາຍງານປະຈຳປີຂອງລັດຖະບານຢູ່ນະຄອນຫຼວງມິນສ໌ ໂດຍລະບຸວ່າ: ຂໍ້ລິເລີ່ມ "ໜຶ່ງແລວໜຶ່ງເສັ້ນທາງ" ຂອງຈີນເປັນຮູບແບບປະສານງານກັນໃໝ່ລະຫວ່າງບັນດາປະເທດ ທີ່ສ້າງຂຶ້ນບົນຫຼັກການທີ່ສະໜັບສະໜູນເຊິ່ງກັນແລະກັນ ແລະພັດທະນາຮ່ວມກັນ. ຂະນະທີ່ປະເທດຕົນກໍເປັນຜູ້ເຂົ້າຮ່ວມຂໍ້ລິເລີ່ມດັ່ງກ່າວຢ່າງຕັ້ງໜ້າແລະສະເໝີພາບ.
ທ່ານລູກາເຊັນໂກ ກ່າວຕື່ມວ່າ: ເບລາຣູຊີຈະພັດທະນາການພົວພັນກັບບັນດາປະເທດຄູ່ຮ່ວມຕາເວັນອອກ ເຊັ່ນ ຣັດເຊຍ ແລະຈີນ ຢ່າງຕັ້ງໜ້າ ເຊິ່ງເວົ້າສຳລັບປະເທດຕົນແລ້ວ ກໍເປັນ "ການສະໜັບສະໜູນທີ່ແຂງແຮງທີ່ສຸດ".
