ເຈົ້າໜ້າທີ່ອິນໂດເນເຊຍຢືນຢັນໃນວັນທີ 25 ເມສານີ້ວ່າ: ໃນວັນດັ່ງກ່າວ, ຢູ່ເມືອງອາເຈະຕາເວັນອອກ ແຂວງອາເຈະປະເທດຕົນ ໄດ້ເກີດເຫດໄຟໄໝ້ບໍ່ນ້ຳມັນ ສົ່ງຜົນເຮັດໃຫ້ມີ 10 ຄົນເສຍຊີວິດເປັນຢ່າງໜ້ອຍ ແລະ 19 ຄົນໄດ້ຮັບບາດເຈັບ.
ທັງນີ້ ອົງການຕ້ານໄພພິບັດແຫ່ງຊາດອິນໂດເນເຊຍ ຢືນຢັນວ່າ: ໃນເວລາປະມານ 1:30 ໂມງຂອງວັນທີ 25 ເມສານີ້, ບໍ່ນ້ຳມັນແຫ່ງໜຶ່ງມີນ້ຳມັນພວມໄຫຼອອກ ແລະຂະນະນັ້ນ, ປະຊາຊົນທ້ອງຖິ່ນຫຼາຍສິບຄົນພວມເຕົ້າໂຮມກັນຢູ່ບໍລິເວນໃກ້ບໍ່ເພື່ອເອົານ້ຳມັນ ທັນໃດນັ້ນ, ບໍ່ນ້ຳມັນໄດ້ເກີດໄຟໄໝ້ ສົ່ງຜົນເຮັດໃຫ້ມີຄົນເສຍຊີວິດແລະບາດເຈັບ.
ປັດຈຸບັນຍັງບໍ່ສາມາດດັບໄຟໄດ້ເທື່ອ ຂະນະທີ່ອົງການຕ້ານໄພພິບັດອາເຈະ, ເຈົ້າໜ້າທີ່ຕຳຫຼວດ, ກອງດັບເພິງ ແລະໂຮງໝໍທ້ອງຖິ່ນ ພວມເລັ່ງກູ້ໄພ ແລະຍ້າຍຜູ້ເສຍຊີວິດແລະບາດເຈັບອອກໄປເຂດປອດໄພ.
