ຕອນເຊົ້າວັນທີ 24 ເມສານີ້, ຢູ່ຕາດໂນນດິນແຫ່ງໜຶ່ງທີ່ຕັ້ງຢູ່ມູມຕາເວັນຕົກສຽງໃຕ້ເຂດພັດທະນາເສດຖະກິດນະຄອນເຈິ້ງໂຈ່ວແຂວງເຫີໜານ ສປ ຈີນ ມີຝຸງນົກແອ່ນສາຍພັນຊານດ໌ມາຕິນບິນເວີ່ນຢູ່ທ້ອງຟ້າຢ່າງໄຫວພິບ ພວກມັນໄດ້ສ້າງຮັງນ້ອຍໆແຕ່ກໍອົບອຸ່ນເປັນຮ້ອຍເປັນພັນຮັງຢູ່ຕາມໂນນດິນແຫ່ງນີ້ ແລະສາມາດດຶງດູດຄວາມສົນໃຈຈາກປະຊາຊົນທ້ອງຖິ່ນ. ນົກແອ່ນສາຍພັນນີ້ເປັນສັດສະຫງວນ ເນື່ອງຈາກມີຜົນປະໂຫຍດຕໍ່ມະນຸດເຮົາ, ມີຄຸນຄ່າທາງດ້ານເສດຖະກິດ ແລະດ້ານການຄົ້ນຄວ້າວິທະຍາສາດ. ຊາວທ້ອງຖິ່ນໄດ້ເວົ້າກັບນັກຂ່າວວ່າ: ການສ້າງໂຄງການຢູ່ບໍລິເວນນີ້ ສົ່ງຜົນເຮັດໃຫ້ກໍ່ຕົວເປັນໂນນດິນ ຈຶ່ງມີນົກແອ່ນສາຍພັນຊານດ໌ມາຕິນມາສ້າງຮັງ.
