ວັນທີ 24 ເມສານີ້, ກອງລາດຕະເວນປະຕິບັດກົດໝາຍຮ່ວມຈີນ, ລາວ, ມຽນມາ ແລະໄທທີ່ປະກອບດ້ວຍເຮືອ 4 ລຳ ແລະພະນັກງານ 200 ກວ່າຄົນໄດ້ເດີນທາງຈາກທ່າເຮືອກ່ວນເຫຼກິ່ງແຂວງສິບສອງພັ່ນນາແຂວງຢຸນນານຈີນ, ເລີ່ມດຳເນີນການລາດຕະເວນປະຕິບັດກົດໝາຍຕາມລຳແມ່ນ້ຳຂອງເທື່ອທີ 69 ທີ່ຈະດຳເນີນເປັນເວລາ 4 ມື້.
ໃນໄລຍະການເຄື່ອນໄຫວ, ພະນັກງານ 4 ປະເທດຈະດຳເນີນການກວດກາ, ການຢ້ຽມຢາມ ແລະການຝຶກຊ້ອມຮ່ວມກັນຢູ່ເຂດນ້ຳທີ່ສຳຄັນ ຄື: ສາມຫຼຽນຄຳເປັນຕົ້ນ ເພື່ອປາບປາມການກໍ່ການຮ້າຍ, ການຄ້າຂາຍເຖື່ອນ, ການຄ້າຂາຍຢາເສບຕິດ, ການຄ້າຂາຍປືນ ແລະກິດຈະກຳຜິດກົດໝາຍຂ້າມຊາດອື່ນໆ.
 |
