ວັນທີ 24 ເມສານີ້, ທ່ານເຮີກວາງຊູ້ນ ຫົວໜ້າສູນຂໍ້ມູນຂ່າວສານທະເລແຫ່ງຊາດຈີນກ່າວຢູ່ນະຄອນຫຼວງປັກກິ່ງວ່າ: ຕາມການຄິດໄລ່ໃນເບື້ອງຕົ້ນ, ລວມຍອດການຜະລິດທາງທະເລຈີນໃນໄຕມາດທີໜຶ່ງຂອງປີ 2018 ນີ້ໄດ້ບັນລຸເຖິງ 1800 ຕື້ຢວນ, ເພີ່ມຂຶ້ນ 7% ທຽບໃສ່ໄລຍະດຽວກັນໃນປີ 2017. ພ້ອມກັນນັ້ນ ມູນຄ່າການຄ້າຂົນສົ່ງທາງທະເລກັບປະເທດຕາມເສັ້ນທາງສາຍໄໝຢູ່ທາງທະເລສືບຕໍ່ເພີ່ມຂຶ້ນ.
ໃນເດືອນມັງກອນຫາເດືອນກຸມພາປີນີ້, ຍອດມູນຄ່າການຄ້າຂົນສົ່ງທາງທະເລກັບປະເທດຕາມເສັ້ນທາງສາຍໄໝຢູ່ທາງທະເລໄດ້ບັນລຸເຖິງ 129,24 ຕື້ໂດລາສະຫະລັດ, ເພີ່ມຂຶ້ນ 25,3% ທຽບໃສ່ໄລຍະດຽວກັນຂອງປີ 2017. ໃນນັ້ນ, ມູນຄ່າການສົ່ງອອກໄດ້ບັນລຸເຖິງ 80,16 ຕື້ໂດລາສະຫະລັດ, ເພີ່ມຂຶ້ນ 29,6% ແລະມູນຄ່າການນຳເຂົ້າໄດ້ບັນລຸເຖິງ 49,07 ຕື້ໂດລາສະຫະລັດ, ເພີ່ມຂຶ້ນ 18,8%.
 |
