ງານວາງສະແດງລົດສາກົນປັກກິ່ງປີ 2018 (ຄັ້ງທີ 15) ເຊິ່ງເປັນໜຶ່ງໃນງານວາງສະແດງລົດລະດັບສູງສຸດທີ່ໜ້າສົນໃຈຂອງໂລກໄດ້ຈັດຂຶ້ນຢູ່ນະຄອນຫຼວງປັກກິ່ງໃນວັນທີ 25 ເມສານີ້. ງານວາງສະແດງນີ້ໄດ້ດຶງດູດບໍລິສັດ 1200 ກວ່າແຫ່ງມາຈາກ 14 ປະເທດ ແລະເຂດແຄວ້ນໃນໂລກ ແລະວາງສະແດງລົດຈຳນວນ 1022 ຄັນ, ໃນນັ້ນ ມີລົດທີ່ປາກົດຕົວເປັນຄັ້ງທຳອິດໃນໂລກຈຳນວນ 105 ຄັນ. ປະລິມານ ແລະຄຸນນະພາບຂອງລົດໃນງານວາງສະແດງຄັ້ງນີ້ສືບຕໍ່ຮັກສາລະດັບນຳໜ້າໃນໂລກ.
ງານວາງສະແດງຄັ້ງນີ້ນອກຈາກຈະວາງສະແດງລົດໂດຍສານ, ລົດທຸລະກິດ ແລະລົດຫຼູຫຼາ, ແລ້ວຍັງຈະວາງສະແດງເຄື່ອງອະໄຫຼ່ ແລະຊີ້ນສ່ວນພ້ອມດ້ວຍ, ລົດພະລັງງານໃໝ່. ຂະນະດຽວກັນຍັງມີລົດມະໂນພາບ 64 ຄັນ ແລະລົດພະລັງງານໃໝ່ 174 ຄັນ.
 |
