ວັນທີ 24 ເມສານີ້, ຫ້ອງການຖະແຫຼງຂ່າວຄະນະລັດຖະບານຈີນໄດ້ເປີດເຜີຍ "ບົດບັນທຶກສິດທິມະນຸດອາເມລິກາປີ 2017" ແລະ "ບົດບັນທຶກເຫດການລ່ວງລ້ຳສິດທິມະນຸດອາເມລິກາປີ 2017" ເຊິ່ງໄດ້ເປີດເຜີຍສະພາບການລ່ວງລ້ຳສິດທິມະນຸດຂອງອາເມລິກາ.
ອີງຕາມການບັນທຶກດ້ານສິດທິມະນຸດ, ການກະທຳຜິດຍ້ອນຄວາມຄຽດແຄ້ນລະຫວ່າງເຊື້ອຊາດຂອງອາເມລິກາໄດ້ມີຈຳນວນຫຼາຍທີ່ສຸດໃນຫຼາຍປີມໍ່ໆມານີ້. ຕົວເລກສະຖິຕິທີ່ ອົງການສືບສວນສະຫະລັດອາເມລິກາ ຫຼື FBI ເປີດເຜີຍໃນວັນທີ 13 ພະຈິກປີ 2017 ສະແດງໃຫ້ເຫັນວ່າ, ອາເມລິກາໄດ້ເກີດຄະດີແບບນີ້ 6121 ຄະດີໃນປີ 2016 ເຊິ່ງເປັນສະຖິຕິສູງສຸດໃນຫຼາຍປີມານີ້.
ນອກນີ້, ເຫດການຈຳແນກດູໝິນເຊື້ອຊາດໄດ້ເກີດຂຶ້ນເລື້ອຍໆ. ຜົນການສຳຫຼວດຂອງສູນຄົ້ນຄວ້າປີຢູສະແດງໃຫ້ເຫັນວ່າ, ເຊື້ອຊາດສ່ວນໜ້ອຍໄດ້ຖືກລົບກວນຈາກທາງອິນເຕີເນັດທີ່ມີສີສັນຈຳແນກດູໝິ່ນເຊື້ອຊາດຫຼາຍກວ່າເກົ່າ. ຊາວອາເມລິກາເຊື້ອຊາດອາຟຣິກາ 1 ສ່ວນ 4 ແລະ ຊາວອາເມລິກາເຊື້ອຊາດອາເມລິກາລາຕິ 10% ລ້ວນແຕ່ກ່າວວ່າເຄີຍຖືກລົບກວນຢູ່ທາງອິນເຕີເນັດຍ້ອນສາເຫດເຊື້ອຊາດ ຫຼື ເຜົ່າພັນ.
ບົດບັນທຶກສິດທິມະນຸດຍັງໄດ້ເປີດເຜີຍສະພາບການດ້ອຍໂອກາດທຸກດ້ານໃນການປະກອບອາຊີບ, ເງິນເດືອນ ແລະ ອື່ນໆຂອງເຊື້ອຊາດສ່ວນໜ້ອຍ ແລະ ຊີ້ອອກວ່າ, ຄວາມຫຼຸດໂຕນກັນດ້ານຊັບສິນລະຫວ່າງເຊື້ອຊາດຕ່າງໆໄດ້ນັບມື້ຂະຫຍາຍກວ້າງອອກ.
 |
