ລະຫວ່າງວັນທີ 24-25 ເມສານີ້ຢູ່ນະຄອນຫຼວງເນປີດໍ ປະເທດມຽນມາ, ທ່ານວິນມິນ ປະທານາທິບໍດີມຽນມາ ແລະທ່ານນາງອ໋ອງຊານຊູຈີ ທີ່ປຶກສາແຫ່ງລັດ, ປະທານພັກສັນນິບາດແຫ່ງຊາດເພື່ອປະຊາທິປະໄຕມຽນມາຕ່າງກໍໄດ້ແຍກອອກພົບປະກັບທ່ານຊົ້ງທາວ ຫົວໜ້າຄະນະພົນພັນຕ່າງປະເທດສູນກາງພັກກອມມູນິດຈີນ.
ທ່ານຊົ້ງທາວກ່າວວ່າ: ຈີນທະນຸຖະໜອມມິດຕະພາບແບບອ້າຍນ້ອງລະຫວ່າງຈີນ-ມຽນມາ ແລະຍິນດີເພີ່ມທະວີການເຊື່ອມຕໍ່ກັນລະຫວ່າງຍຸດທະສາດການພັດທະນາຂອງສອງປະເທດ,ຮັດແໜ້ນການໄປມາຫາສູ່ກັນລະຫວ່າງພັກການເມືອງຂອງສອງປະເທດແລະຊຸກຍູ້ການເສີມຂະຫຍາຍສາຍພົວພັນລະຫວ່າງສອງປະເທດ.
ທ່ານວິນມິນກ່າວວ່າ: ລັດຖະບານມຽນມາໃຫ້ຄວາມສຳຄັນສູງຕໍ່ສາຍພົວພັນມຽນມາ-ຈີນ,ຫວັງວ່າຈະເພີ່ມທະວີການໄປມາຫາສູ່ກັນລະຫວ່າງການນຳຂັ້ນສູງ, ລົງເລິກການຮ່ວມມືຕົວຈິງລະຫວ່າງສອງປະເທດ.
ທ່ານນາງອ໋ອງຊານຊູຈີຂອບໃຈຈີນທີ່ສະໜັບສະໜູນຂະບວນການສັນຕິພາບແລະການພັດທະນາເສດຖະກິດ-ສັງຄົມຂອງມຽນມາ ແລະຫວັງຈະຊຸກຍູ້ການຮ່ວມມືໃນການປະຕິບັດໂຄງການໃຫຍ່, ລົງເລິກການໄປມາຫາສູ່ກັນລະຫວ່າງພັກການເມືອງຂອງສອງປະເທດ, ສົ່ງເສີມການພັດທະນາການພົວພັນສອງຝ່າຍຢ່າງສະນິດແໜ້ນ.
 |
